ວັນທີ 13 ມັງກອນນີ້ເປັນມື້ເລີ່ມຕົ້ນການຂົນສົ່ງຜູ້ໂດຍສານໄລຍະບຸນກຸດຈີນ 2017 ໂດຍຄາດວ່າ ລົດໄຟທົ່ວປະເທດຈີນຈະຂົນສົ່ງຜູ້ໂດຍສານໄດ້ເຖິງ 356 ລ້ານເທື່ອຄົນ ເຊິ່ງຈະເພີ່ມຂຶ້ນ9,7% ຄື 31 ລ້ານ 5 ແສນ 6 ໝື່ນເທື່ອຄົນເມື່ອທຽບໃສ່ໄລຍະດຽວກັນຂອງປີຜ່ານມາ.
ໃນໄລຍະຂົນສົ່ງຜູ້ໂດຍສານໃນບຸນກຸດຈີນ, ທົ່ວປະເທດຈະຈັດສັນຂະບວນລົດໄຟໂດຍສານ 7141 ຂະບວນຂະນະທີ່ກ່ອນຈະຮອດບຸນກຸດຈີນຈະເພີ່ມ 1132 ຂະບວນ, ໃນນີ້, ລົດໄຟຄວາມໄວສູງ 472 ຂະບວນແລະຫຼັງກຸດຈີນຈະເພີ່ມ 1396 ຂະບວນ,ໃນນີ້ ລົດໄຟຄວາມໄວສູງ 618 ຂະບວນ. ຈາກນີ້ຈິ່ງເຫັນວ່າ ຍອດປະລິມານຂົນສົ່ງຜູ້ໂດຍສານທາງລົດໄຟໄລຍະບຸນກຸດຈີນ 2017 ໄດ້ເພີ່ມຂຶ້ນຢ່າງຫຼວງຫຼາຍຄືກ່ອນກຸດຈີນຈະເພີ່ມຂຶ້ນ 7,5% ຕໍ່ມື້ແລະຫຼັງກຸດຈີນຈະເພີ່ມຂຶ້ນ 7,1%ຕໍ່ມື້.
ແນວໃດກໍດີ, ເພື່ອສ້າງຄວາມສະດວກໃຫ້ແກ່ຜູ້ໂດຍສານໄດ້ດີນັ້ນ, ຂະແໜງການທາງລົດໄຟຈີນໄດ້ນຳໃຊ້ຫຼາຍມາດຕະການໃໝ່ເປັນຕົ້ນຈັດສັນພະນັກງານ,ສະໜອງອຸປະກອນ, ຈັດຂະບວນລົດໄຟ,ປັບປຸງການບໍລິການໃຫ້ມີຄຸນນະພາບສູງຂຶ້ນແລະອື່ນໆເພື່ອບໍລິການຜູ້ໂດຍສານໃຫ້ດີຂຶ້ນກວ່າເກົ່າ.
