ສະຖານທູດຈີນປະຈຳມຽນມາບໍລິຈາກລົດຖີບຕຳຫຼວດ 100 ຄັນໃຫ້ພະແນກຕຳ ຫຼວດແຂວງຢາງກຸງ
ຕອນບ່າຍວັນທີ 13 ມັງກອນນີ້, ສະຖານທູດຈີນປະຈຳມຽນມາໄດ້ບໍລິຈາກລົດຖີບຕຳຫຼວດ 100 ຄັນໃຫ້ພະແນກຕຳຫຼວດແຂວງຢາງກຸງ, ໂດຍໄດ້ຈັດພິທີມອບຮັບຢູ່ກົມຕຳຫຼວດອົງການປົກຄອງແຂວງຢາງກຸງ. ທ່ານຫົງລ້ຽງ ເອກອັກຄະລັດຖະທູດຈີນປະຈຳມຽນມາ, ທ່ານຈູ່ຈີ້ສື່ ທີ່ປຶກສາຮັບຜິດຊອບວຽກງານຕິດຕໍ່ດ້ານຕຳຫຼວດຂອງຈີນປະຈຳມຽນມາ ແລະທ່ານວິນ ໄນອີງ ຫົວໜ້າພະແນກຕຳຫຼວດແຂວງຢາງກຸງ ໄດ້ເຂົ້າຮ່ວມພິທີມອບຮັບ.
ທ່ານເອກອັກຄະລັດຖະທູດຫົງລ້ຽງໄດ້ກ່າວປາໄສວ່າ, ຈີນແລະມຽນມາແມ່ນປະເທດບ້ານໃກ້ເຮືອນຄຽງທີ່ດີຕໍ່ກັນ, ການຮ່ວມມືກັນໃນການປະຕິບັດກົດໝາຍແລະດ້ານຮັກສາປອດໄພ ແມ່ນພາກປະກອບສ່ວນທີ່ສຳຄັນໃນການພົວພັນລະຫວ່າງສອງປະເທດ, ຈີນສະໜັບສະໜູນກອງຕຳຫຼວດມຽນມາເພີ່ມທະວີການສ້າງສັນຄວາມສາມາດແຫ່ງການປະຕິບັດກົດໝາຍ, ທັງຈະເຮັດຄືທີ່ຜ່ານມາ ໃຫ້ການຊ່ວຍເຫຼືອແກ່ກອງຕຳຫຼວດມຽນມາຕາມຄວາມຕ້ອງການຂອງມຽນມາ.