ວັນທີ 16 ມັງກອນນີ້, ພິທີເຊັນສັນຍາການເຂົ້າປະຈຳຢູ່ສູນກາງການຄ້າເມືອງນິເວດອາຊຽນໄດ້ໄຂຂຶ້ນຢູ່ນະຄອນທຽນຈິນປະເທດຈີນຢ່າງເປັນທາງການ ເຊິ່ງມີວິສາຫະກິດຈາກ 5 ປະເທດຂອງອາຊຽນເຂົ້າຮ່ວມປະຈຳຢູ່ເມືອງນິເວດດັ່ງກ່າວ ຄື: ປະເທດບຣູໄນ, ມາເລເຊຍ, ອິນໂດເນເຊຍ, ໄທ ແລະສິງກະໂປ.
ທ່ານຫລີຢວນ ຫົວໜ້າຜະແນກການຄ້າ ແລະການລົງທຶນສູນຈີນ-ອາຊຽນກ່າວໃນພິທີວ່າ: ຈີນໄດ້ກາຍເປັນຄູ່ການຄ້າໃຫຍ່ທີ່ສຸດຂອງອາຊຽນ 7 ປີຕິດຕໍ່ກັນ ແລະອາຊຽນໄດ້ກາຍເປັນຄູ່ການຄ້າໃຫຍ່ອັນດັບທີສາມຂອງຈີນ 5 ປີຕິດຕໍ່ກັນ ທັງເປັນຕະຫຼາດສົ່ງອອກໃຫຍ່ອັນດັບສີ່ ແລະແຫຼ່ງນຳເຂົ້າໃຫຍ່ອັນດັບທີສອງຂອງຈີນ. ການສ້າງຕັ້ງເມືອງນິເວດນີ້ ກໍເພື່ອຊຸກຍູ້ການຮ່ວມມືຕົວຈິງລະຫວ່າງຈີນກັບອາຊຽນໃນຂົງເຂດຕ່າງໆ ເຊັ່ນ: ການຄ້າ, ອາຫານ, ວັດທະນະທຳ, ການທ່ອງທ່ຽວ ແລະອື່ນໆ, ຂະນະດຽວກັນກໍເພື່ອເຮັດໃຫ້ການຄ້າຄ່ອງໂຕ ແລະເຂັ້ມແຂງຂຶ້ນ.