ໃນພິທີຖະແຫຼງຂ່າວທີ່ຈັດຂຶ້ນໃນວັນທີ 16 ມັງກອນນີ້, ມີນັກຂ່າວຖາມວ່າ: ຕາມທີ່ສື່ມວນຊົນມຽນມາລາຍງານນັ້ນ, ກອງທັບມຽນມາໄດ້ຍິງປະທະກັບກຸ່ມອິດສະຫຼະຄາຊິນຢູ່ເຂດລັດຄາຊິນເມື່ອມໍ່ໆນີ້ ເຊິ່ງເຮັດໃຫ້ປະຊາຊົນເຂດຊາຍແດນຢູ່ລັດດັ່ງກ່າວ 4000 ກວ່າຄົນຈະຂ້າມແດນເຂົ້າມາປະເທດຈີນເພື່ອລີ້ໄພ,ແຕ່ຖືກຝ່າຍຈີນປະຕິເສດ. ຈີນຈະຄິດແນວໃດຕໍ່ການລາຍງານຂ່າວດັ່ງກ່າວ.
ໂຄສົກສະຖານທູດຈີນປະຈຳມຽນມາຢືນຢັນວ່າ ຕາມໄດ້ຊາບ, ອົງການປົກຄອງລັດກະລຽນມຽນມາໄດ້ເພີ່ມມາດຕະການຍົກຍ້າຍແລະຄຸ້ມຄອງປະຊາຊົນເຂດຊາຍແດນ ທັງຮຽກຮ້ອງໃຫ້ປະຊາຊົນເຫຼົ່ານີ້ຢ່າເຂົ້າໄປລີ້ໄພສົງຄາມຢູ່ຈີນເວັ້ນເສຍແຕ່ບໍ່ມີທາງອອກແທ້ໆ. ຂະນະທີ່ຈີນບໍ່ໄດ້ສະກັດກັ້ນປະຊາຊົນມຽນມາຂ້າມແດນເຂົ້າມາລີ້ໄພຢູ່ປະເທດຕົນ. ຄວາມຈິງແລ້ວ, ເມື່ອພິຈາລະນາເຖິງມະນຸດສະທຳ, ຈີນໄດ້ຊ່ວຍເຫຼືອປະຊາຊົນເຂດຊາຍແດນມຽນມາຜູ້ລີ້ໄພທັງອາຫານ,ຢາປິ່ນປົວ ແລະອື່ນໆມາໂດຍຕະຫຼອດ.