ທ່ານບຸນອູ້ມສີວັນເພັງ ຜູ້ອຳນວຍການໃຫຍ່ບໍລິສັດໄຟຟ້າລາວພ້ອມຄະນະໄດ້ເດີນທາງ ຢ້ຽມຢາມເມືອງຄຸນມິງແຂວງຢຸນນານ ສປ ຈີນໃນຕອນບ່າຍວັນທີ 16 ມັງກອນນີ້ ທັງໄດ້ຮ່ວມສະຫຼອງບຸນປີໃໝ່ຈີນກັບບໍລິສັດໄຟຟ້າສາຍກາບໄຟຟ້າຢູເຊິນຄຸນມິງ.
ໂອກາດດັ່ງກ່າວ, ທ່ານບຸນອູ້ມ ສີວັນເພັງ ຢືນຢັນວ່າ ການສ້າງປະເທດຮັ່ງມີດ້ວຍໄຟຟ້ານ້ຳຕົກເປັນຍຸດທະສາດພັດທະນາເສດຖະກິດຂອງລາວ, ຂະນະທີ່ ປັດຈຸບັນຢູ່ລາວຍັງບໍ່ທັນມີໂຮງງານຜະລິດອຸປະກອນຜະລິດໄຟຟ້າໃຫຍ່ເທື່ອໂດຍເຄື່ອງອາໄຫຼ່ແລະຊິ້ນສ່ວນຈັກຜະລິດໄຟຟ້າຊະນິດຕ່າງໆຕ້ອງນຳເຂົ້າຈາກຕ່າງປະເທດ100%. ສຳລັບໂຄງການຮ່ວມມືກັບບໍລິສັດຢູເຊິນເປັນມາດຕະການປະດິດສ້າງການຜະລິດອຸປະກອນຜະລິດໄຟຟ້າລາວ ເຊິ່ງຈະສ້າງປະຫວັດການໃນຂະແໜງການອຸດສາຫະກຳລາວແລະຈາກການໃຫ້ຄວາມສຳຄັນສູງຂອງລັດຖະບານລາວ. ບໍລິສັດໄຟຟ້າລາວຈະຕັ້ງໜ້າປະຕິບັດເປົ້າໝາຍນີ້ເພື່ອຮັບປະກັນໃຫ້ໂຄງການດັ່ງກ່າວດຳເນີນໄປດ້ວຍດີ.
ທັງສອງຝ່າຍລາວຈີນຢືນຢັນຈະສ້າງໂຮງງານຜະລິດອຸປະກອນຜະລິດໄຟຟ້າແລະສະຖາບັນຄົ້ນຄວ້າວິທະຍາສາດພະລັງງານໄຟຟ້າລາວໃຫ້ເປັນວິສາຫະກິດນຳໜ້າຂອງຂະແໜງການນີ້ໃນ 10 ປະເທດອາຊຽນ.
ປີ 2016 ຜ່ານມາ, ສອງບໍລິສັດດັ່ງກ່າວໄດ້ລົງນາມໃນສັນຍາຮ່ວມມືໂດຍກຳນົດສ້າງຕັ້ງເຂດນິຄົມອຸດສາຫະກຳການຜະລິດອຸປະກອນພະລັງງານໄຟຟ້າແລະສະຖາບັນຄົ້ນຄວ້າວິທະຍາສາດພະລັງງານໄຟຟ້າຢູ່ລາວ.