ວັນທີ 17 ມັງກອນນີ້, ທ່ານສູນິງນິງ ປະທານສະມາຄົມການຄ້າຈີນ-ອາຊຽນກ່າວໃນພິທີຖະແຫຼງຂ່າວວ່າ: ການຫຼຸດລົງຂອງມູນຄ່າການຄ້າຈີນ-ອາຊຽນໃນປີ 2016 ບໍ່ແມ່ນເລື່ອງທີ່ໜ້າເປັນຫ່ວງ, ແຕ່ສອງຝ່າຍຕ້ອງໄດ້ປະກອບສ່ວນ ບູລະນະອົງປະກອບການຄ້າ ແລະອົງປະກອບອຸດສາຫະກຳໃຫ້ດີກວ່າເກົ່າ.
ປັດຈຸບັນ, ຈີນໄດ້ລົງທຶນຢູ່ອາຊຽນເພີ່ມຂຶ້ນຢ່າງຕໍ່ເນື່ອງ ເຊິ່ງເປັນຂີດໝາຍສະແດງໃຫ້ເຫັນວ່າການຄ້າໃນອະນາຄົດຈະເພີ່ມຂຶ້ນຫຼາຍກວ່າເກົ່າ ໂດຍໃນປີ 2017, ບັນດາປະເທດໃນອາຊຽນເສດຖະກິດຈະມີຈັງຫວະເຕີບໃຫຍ່ຂະຫຍາຍຕົວຢ່າງວ່ອງໄວ ເຊິ່ງຈະສ້າງໂອກາດການຄ້າຢ່າງຫຼວງຫຼາຍຕໍ່ວິສາຫະກິດຈີນ ແລະການຍົກລະດັບເຂດການຄ້າເສລີຈີນ-ອາຊຽນ ກໍຄືການຊຸກຍູ້ການຮ່ວມມືຄວາມສາມາດທາງການຜະລິດ. ຂະນະດຽວກັນກໍຈະເຮັດໃຫ້ການຮ່ວມມືດ້ານເສດຖະກິດລະຫວ່າງສອງຝ່າຍແໜ້ນແຟ້ນຍິ່ງໆຂຶ້ນ.
ທັງນີ້ການຂົນສົ່ງທາງອາກາດກໍເປັນປັດໄຈສຳຄັນທີ່ຈະເຮັດໃຫ້ການຄ້າສອງຝ່າຍສົດໃສໂດຍເຫັນໄດ້ໃນທຸກອາທິດມີເຖິງ 1000 ຖ້ຽວບິນ ເຊິ່ງຈະສາມາດສ້າງຄວາມເຊື່ອໝັ້ນໄດ້ວ່າ: ປີນີ້, ການຮ່ວມມືດ້ານເສດຖະກິດການຄ້າຈີນ-ອາຊຽນຈະສົດໃສກວ່າເກົ່າ.
 |
