ທ່ານນາງພິນນາດຈະເລີນພົນ ຫົວໜ້າສຳນັກງານອົງການທ່ອງທ່ຽວແຫ່ງຊາດໄທປະຈຳຄຸນມິງປະເທດຈີນຢືນຢັນໃນວັນທີ 18 ມັງກອນນີ້ວ່າ: ໄລຍະ 4 ປີຜ່ານມາ,ນັກທ່ອງທ່ຽວຈີນທີ່ເດີນທາງໄປທ່ຽວໄທໄດ້ເພີ່ມຈາກ 2 ລ້ານກວ່າເທື່ອຄົນຂຶ້ນເຖິງ 8 ລ້ານ 7 ແສນ 7 ໝື່ນເທື່ອຄົນເມື່ອປີ 2016 ຜ່ານມາ.
ທ່ານນາງພິນນາດຈະເລີນພົນ ໃຫ້ຮູ້ວ່າ: ກ່ອນໜ້ານີ້ 4 ປີ, ເມື່ອຕົນຫາກໍມາດຳລົງຕຳແໜ່ງຢູ່ເມືອງຄຸນມິງນັ້ນ, ນັກທ່ອງທ່ຽວຈີນທີ່ເດີນທາງໄປທ່ຽວ ໄທມີ 2 ລ້ານເທື່ອຄົນ, ໃນນີ້, ຄະນະທ່ອງທ່ຽວກວມ 70%. ສ່ວນປັດຈຸບັນ,ນັກທ່ອງທ່ຽວຈີນບໍ່ໄດ້ເນັ້ນເມືອງທ່ອງທ່ຽວທີ່ມີຊື່ສຽງອີກຕໍ່ໄປແລ້ວ,ຫາກໄດ້ກະຈາຍໄປທ່ຽວຫຼາຍໆບ່ອນໃນທົ່ວປະເທດໄທ, ໃນນີ້, ການໄປທ່ຽວໂດຍຕົນເອງໄດ້ເພີ່ມຂຶ້ນຢ່າງວ່ອງໄວ ເປັນຕົ້ນແຂວງຢູນນານ,ເຂດປົກຄອງຕົນເອງເຜົ່າຈ້ວງກວາງຊີ, ແຂວງກຸ້ຍໂຈ່ວທີ່ຮັບຜິດຊອບບໍລິການໂດຍສຳນັກງານອົງການທ່ອງທ່ຽວແຫ່ງຊາດໄທປະຈຳຄຸນມິງນັ້ນ,ນັກທ່ອງທ່ຽວທີ່ໄປທ່ຽວ ໄທເອງໄດ້ເພີ່ມຂຶ້ນແຕ່ 40%-45%.
ທ່ານນາງພິນນາດຈະເລີນພົນ ຄາດຄະເນວ່າ: ປີ 2017 ນີ້, ນັກທ່ອງທ່ຽວທີ່ເດີນທາງໄປທ່ຽວໄທຍັງຈະເພີ່ມຂຶ້ນຕໍ່ເນື່ອງ ແລະໄທຈະໂຄສະນາ "ການທ່ອງທ່ຽວທີ່ມີຄຸນນະພາບ" ສະເພາະນັກທ່ອງທ່ຽວຈີນໂດຍສືບຕໍ່ ເຊີນສື່ມວນຊົນມາທັດສະນະສຶກສາຢູ່ໄທແລະເປີດໂອກາດໃຫ້ນັກທ່ອງທ່ຽວຈີນເດີນທາງໄປທ່ຽວຄືກັບຄົນໄທເພື່ອຈະໄດ້ປະສົບການທ່ອງທ່ຽວທີ່ພິເສດ.
 |
