ຫວ່າງມໍ່ໆມານີ້, ທ່ານພັນຄຳ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດລາວ ໄດ້ກ່າວໃນໂອກາດຕ້ອນຮັບການເຂົ້າຢ້ຽມອຳລາຂອງທ່ານກ່ວນຮວາປິ່ນ ເອກອັກຄະລັດຖະທູດຈີນປະຈຳລາວ ວ່າ: ໃນຊຸມປີຜ່ານມາ, ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວ-ຈີນໄດ້ພັດທະນາເຂົ້າສູ່ລວງເລິກຢ່າງບໍ່ຢຸດຢັ້ງ ແລະຕໍ່ໜ້າ, ສອງຝ່າຍຈະຮ່ວມມືກັນສ້າງປະຊາຄົມຮ່ວມຊະຕາກຳລາວ-ຈີນໃຫ້ໝັ້ນແກ່ນ.
ນອກນີ້, ທ່ານ ພັນຄຳ ຍັງໄດ້ຕີລາຄາສູງຕໍ່ການພັດທະນາການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວ-ຈີນໃນຊຸມປີມໍ່ໆມານີ້ ແລະເນັ້ນວ່າ ສາຍພົວພັນລະຫວ່າງສອງປະເທດພວມຢູ່ໃນໄລຍະດີທີ່ສຸດໃນປະຫວັດສາດ ທັງເຊື່ອວ່າຈາກການເອົາໃຈໃສ່ແລະຊີ້ນຳຂອງຜູ້ນຳສອງພັກ-ສອງລັດ, ສອງຝ່າຍຈະສືບຕໍ່ຍຶດໝັ້ນຈິດໃຈ "ສີ່ດີ" ແລະຮ່ວມມືກັນສ້າງປະຊາຄົມຮ່ວມຊະຕາກຳລາວ-ຈີນໃຫ້ໝັ້ນແກ່ນ.
