ງານວາງສະແດງ "ເສັ້ນທາງສາຍໄໝທາງທະເລໃນສາຍຕາຂອງສິລະປິນໄທ" ເຊິ່ງແມ່ນສ່ວນໜຶ່ງຂອງກິດຈະກຳຕ່າງໆເພື່ອສະຫຼອງບຸນກຸດຈີນ 2017 ໄດ້ເລີ່ມເປີດສາກຂຶ້ນຢູ່ສູນວັດທະນະທຳຈີນ ນະຄອນຫຼວງບາງກອກປະເທດໄທຫວ່າງມໍ່ໆນີ້ ໂດຍທ່ານນິ້ງຟູ້ຂຸຍ ເອກອັກຄະລັດຖະທູດຈີນປະຈຳໄທ, ເຈົ້າຄຸນທອງໄຊ ຮອງພະສັງຄະລາດ, ປະທານສະພາມົນຕີມູນນິທິຣົ້ມຊັດ ເຂົ້າຮ່ວມ ແລະປາໄສໃນພິທີດັ່ງກ່າວ.
ໄທໃນຖານະເປັນໜຶ່ງໃນປະເທດສຳຄັນທີ່ຢູ່ຕາມເສັ້ນທາງສາຍໄໝທາງທະເລ ກໍໄດ້ສ້າງຄວາມເຂົ້າໃຈກັນ, ແລກປ່ຽນວັດທະນະທຳ, ເສີມສ້າງມິດຕະພາບກັບປະເທດອື່ນໆຢ່າງບໍ່ຢຸດຢັ້ງ. ຂະນະທີ່ໃນງານວາງສະແດງຄັ້ງນີ້ ໄດ້ສະແດງໃຫ້ເຫັນເຖິງຄວາມຮູ້ສຶກແລະຄວາມເຂົ້າໃຈຂອງສິລະປິນໄທຕໍ່ເສັ້ນທາງສາຍໄໝທາງທະເລ ລວມທັງໄດ້ວາງສະແດງຜົນງານຂອງສິລະປິນໄທແລະຈີນຫຼາຍທ່ານ. ຜົນງານສິລະປະຕ່າງໆຢູ່ສູນວັດທະນະທຳຈີນ ນະຄອນຫຼວງບາງກອກ ໄດ້ຈັດຂຶ້ນແຕ່ວັນທີ 14 ມັງກອນຫາວັນທີ 7 ກຸມພາ ໂດຍທ່ານສາມາດເຂົ້າໄປເບິ່ງໄດ້ຕາມວັນເວລາດັ່ງກ່າວ.