ທ່ານສີຈິ້ນຜິງ ປະທານປະເທດຈີນໄດ້ໄປຢ້ຽມຢາມອົງການອະນາໄມໂລກທີ່ມີສຳນັກງານໃຫຍ່ຕັ້ງຢູ່ເຊີແນວ ແລະ ພົບປະກັບທ່ານນາງມາກາເລັດເຈັນ ຜູ້ອຳນວຍການໃຫຍ່ອົງການດັ່ງກ່າວ ໃນວັນທີ 18 ມັງກອນນີ້.
ທ່ານສີຈິ້ນຜິງ ກ່າວວ່າ: ປັດຈຸບັນ, ຈີນພວມຊຸກຍູ້ການສົ່ງເສີມສຸຂະພາບຂອງປະຊາຊົນ, ຂະນະທີ່ສຸຂະພາບຂອງທົ່ວປວງຊົນແມ່ນພື້ນຖານຂອງການບັນລຸເປົ້າໝາຍສູ້ຊົນ "ໜຶ່ງຮ້ອຍປີສອງເຫດການ" ຂອງຈີນ. ແນວໃດກໍດີ, ຈີນໄດ້ກຳນົດພາລະກິດສາທາລະນະສຸກເປັນບູລິມະສິດຢູ່ໃນຍຸດທະສາດພັດທະນາ ຢ່າງສະເໝີຕົ້ນສະເໝີປາຍ ແລະຍິນດີທີ່ອົງການອະນາໄມໂລກທີ່ຈະສືບຕໍ່ຊ່ວຍເຫຼືອທາງວິຊາສະເພາະໃຫ້ແກ່ການສົ່ງເສີມສຸຂະພາບຂອງຈີນຫຼາຍກວ່າເກົ່າອີກ.
ທ່ານມາກາເລັດເຈັນ ກ່າວວ່າ: ໃນໄລຍະຜ່ານມາ, ຈີນໄດ້ປະກອບສ່ວນທີ່ສຳຄັນເຂົ້າໃນພາລະກິດສາທາລະນະສຸກທົ່ວໂລກ ແລະ ວຽກງານຂອງອົງການຕົນ. ຂະນະທີ່ອົງການຕົນຈະສືບຕໍ່ສະໜັບສະໜູນຈີນລົງເລິກປະຕິຮູບການປິ່ນປົວສຸຂະພາບແລະສາທາລະນະສຸກ, ຍິນດີເພີ່ມທະວີການຮ່ວມມືກັບຈີນໃນຂອບ "ໜຶ່ງແລວທາງໜຶ່ງເສັ້ນທາງ ເພື່ອຍົກລະດັບສາທາລະນະສຸກຂອງປະເທດຢູ່ຕາມ "ໜຶ່ງແລວທາງໜຶ່ງເສັ້ນທາງ" ໃຫ້ສູງຂຶ້ນ.
ຫຼັງສຳເລັດການພົບປະ, ທ່ານສີຈິ້ນຜິງ ແລະ ທ່ານນາງມາກາເລັດເຈັນ ໄດ້ຮ່ວມກັນເປັນສັກຂີພິຍານໃນພິທີລົງນາມໃນບົດບັນທຶກຄວາມເຂົ້າໃຈການຮ່ວມມືດ້ານສາທາລະນະສຸກ "ໜຶ່ງແລວທາງໜຶ່ງເສັ້ນທາງ" ລະຫວ່າງຈີນ-ອົງການອະນາໄມໂລກ.
