ເຈົ້າໜ້າທີ່ຫວຽດນາມຫຼາຍທ່ານໄດ້ຢືນຢັນຢູ່ນະຄອນຫຼວງຮ່າໂນ້ຍເມື່ອມໍ່ໆນີ້ວ່າ: ຫວຽດນາມ-ຈີນຍັງຄົງມີທ່າແຮງບົ່ມຊ້ອນຢ່າງໃຫຍ່ຫຼວງໃນການຮ່ວມມືໃນຫຼາຍຂົງເຂດເປັນຕົ້ນ ກະສິກຳ,ການລົງທຶນແລະອື່ນໆ.
ຂ່າວແຈ້ງວ່າ: ທ່ານຕັນຕວນແອັງ ລັດຖະມົນຕີກະຊວງອຸດສາຫະກຳການຄ້າຫວຽດນາມຢືນຢັນວ່າເພື່ອຊຸກຍູ້ທ່າແຮງບົ່ມຊ້ອມການຮ່ວມມືຫວຽດນາມ-ຈີນໃຫ້ປາກົດເປັນຈິງ, ສອງປະເທດຕ້ອງປັບປຸງຂອບກົດໝາຍໃຫ້ສົມບູນຂຶ້ນຕື່ມອີກ ທັງພະຍາຍາມປັບປຸງສະພາບແວດລ້ອມການຮ່ວມມືດ້ານການລົງທຶນໃຫ້ດີຂຶ້ນ ແລະສ້າງເງື່ອນໄຂອຳນວຍຄວາມສະດວກໃຫ້ແກ່ສອງຝ່າຍເສີມຂະຫຍາຍທ່າແຮງຢ່າງເຕັມທີ່ແລະພັດທະນາກຳລັງບົ່ມຊ້ອມ.
ທ່ານຫງວຽນຊຸນສຽງ ລັດຖະມົນຕີກະຊວງກະສິກຳແລະພັດທະນາຊົນນະບົດຫວຽດນາມຢືນຢັນວ່າ: ປີ 2016, ຫວຽດນາມສົ່ງອອກຜະລິດຕະພັນກະສິກຳໄປຂາຍສູ່ຈີນໃນມູນຄ່າປະມານ 7 ຕື້ໂດລາສະຫະລັດ ກວມ 22%ຂອງຍອດມູນຄ່າການສົ່ງອອກຂອງຫວຽດນາມ. ຈາກນີ້, ສອງຝ່າຍຄວນສືບຕໍ່ຮ່ວມກັນປຶກສາຫາລືມາດຕະການເພື່ອເຮັດໃຫ້ຜະລິດຕະພັນກະສິກຳຫວຽດນາມຈາກການຖືການຄ້າຊາຍແດນເປັນຕົ້ນຕໍນັ້ນຫັນໄປສູ່ຊ່ອງທາງການຄ້າຫຼາຍກວ່າເກົ່າເພື່ອເຂົ້າສູ່ຕະຫຼາດຈີນ.
 |
