ຕໍ່ເລື່ອງທີ່ໂຮງແຮມ APA ຍີ່ປຸ່ນປະຕິເສດບໍ່ຖອນຄືນປື້ມທີ່ປະຕິເສດບໍ່ຮັບຮອງເຫດການສັງຫານໝູ່ໜານກິ່ງຂອງພວກຝ່າຍຂວານັ້ນ, ທ່ານຊູກາ ໂຢຊີຮີເດ ເລຂາທິການລັດຖະບານຍີ່ປຸ່ນກ່າວໃນວັນທີ 18 ມັງກອນນີ້ວ່າ: ປະຫວັດສາດທີ່ເປັນທຸກໄດ້ຜ່ານໄປແລ້ວ, ບໍ່ຄວນກາຍເປັນຈຸດສຸມທີ່ສົນໃຈຫຼາຍເກີນໄປ.
ຕໍ່ເລື່ອງນີ້, ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນ ໄດ້ກ່າວໃນພິທີຖະແຫຼງຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 19 ມັງກອນນີ້ວ່າ: ຫຼົງລືມປະຫວັດສາດກໍໝາຍເຖິງເປັນການທໍລະຍົດຕໍ່ປະຫວັດສາດ, ການທີ່ປະຕິເສດອາຊະຍາກຳແລະຄວາມຮັບຜິດຊອບຂອງຕົນກໍໝາຍເຖິງອາດຈະຊ້ຳຮອຍເກົ່າ. ຂ້າພະເຈົ້າສະເໜີໃຫ້ຊາວຍີ່ປຸ່ນທີ່ດື້ດ້ານຍຶດໝັ້ນທັດສະນະອັນຜິດພາດຕໍ່ປະຫວັດສາດນັ້ນຄວນໄປຊອກຫາມະໂນທຳຂອງຕົນຄືນຢູ່ຫໍລະນຶກເຫດການສັງຫານໝູ່ໜານກິ່ງ.