ຫວ່າງມໍ່ໆມານີ້, ລັດຖະບານຈີນໄດ້ເຜີຍແຜ່ເອກະສານ ໂດຍໄດ້ຢືນຢັນຈະຜ່ອນຄາຍ ຄວາມຈຳກັດການເຂົ້າຕະຫຼາດຂອງທຶນຕ່າງປະເທດໃນຂະແໜງການບໍລິການ,ການຜະລິດ,ຂຸດຄົ້ນບໍ່ແຮ່ແລະຂົງເຂດອື່ນໆ ເພື່ອເປີດກວ້າງການໄຂປະຕູສູ່ພາຍນອກຕື່ມອີກ.
ຂ່າວແຈ້ງວ່າ: ໃນດ້ານການເປີດກວ້າງການໄຂປະຕູ່ສູ່ພາຍນອກຕື່ມອີກ, ໄດ້ດັດແກ້ "ສາລະບານຊີ້ນຳຂະແໜງການລົງທຶນຂອງຕ່າງປະເທດ"ກໍຄືກົດບັນຍັດແລະນະໂຍບາຍທີ່ກ່ຽວຂ້ອງ, ຜ່ອນຄາຍຄວາມຈຳກັດການເຂົ້າຕະຫຼາດຂອງທຶນຕ່າງປະເທດໃນຫຼາຍຂະແໜງການເຊັ່ນ: ຂະແໜງການບໍລິການ,ຂະແໜງການຜະລິດແລະຂະແໜງການຂຸດຄົ້ນບໍ່ແຮ່ເປັນຕົ້ນ. ສະໜັບສະໜູນນັກລົງທຶນຕ່າງປະເທດເຂົ້າຮ່ວມການກໍ່ສ້າງພື້ນຖານໂຄງລ່າງແລະອື່ນໆດ້ວຍວິທີທຸລະກິດທີ່ອະນຸຍາດພິເສດ. ມາດຕະການເຫຼົ່ານີ້ລວມທັງໂຄງການຮ່ວມມືກັບຕ່າງປະເທດໃນຂົງເຂດນ້ຳມັນເຊື້ອໄຟແລະອາຍແກັສທຳມະຊາດຈາກລະບຽບການພິຈາລະນາອະນຸມັດເປັນລະບຽບການຈົດທະບຽນ ເຊິ່ງນີ້ໝາຍຄວາມວ່າຈະສາມາດສ້າງສະພາບແວດລ້ອມດ້ານການລົງທຶນທີ່ເປີດເຜີຍ,ຍຸຕິທຳແລະມີຄວາມສະດວກໃຫແກ່ວິສາຫະກິດຮ່ວມທຶນຕ່າງປະເທດຢູ່ຈີນຫຼາຍກວ່າເກົ່າ ແລະ ສາມາດຊົມໃຊ້ສິດທິເໝືອນດັ່ງພົນລະເມືອງຈີນ.
ນອກນີ້,ຈາກນີ້ໄປ ຈີນຍັງຈະສະໜັບສະໜູນວິສາຫະກິດຮ່ວມທຶນຕ່າງປະເທດລະດົມທຶນໂດຍຜ່ານວິທີຕ່າງໆເຊັ່ນ:ການຂາຍຫຸ້ນຢູ່ຕະຫຼາດຈີນ,ຈຳໜ່າຍພັນທະບັດວິສາຫະກິດແລະອື່ນໆ.