ປາກິສະຖານກູ້ເງິນທະນາຄານໂລກແລະທະນາຄານລົງທຶນພື້ນຖານໂຄງລ່າງອາຊີ 720 ລ້ານໂດລາສະຫະລັດ
2017-01-20 18:07:18 cri
ຕາມຂ່າວCRI: ໜັງສືພິມ National news ຂອງປາກິສະຖານສະບັບວັນທີ 19 ມັງກອນນີ້ລາຍງານວ່າ: ຫວ່າງມໍ່ໆມານີ້, ປາກິສະຖານໄດ້ລົງນາມໃນສັນຍາກູ້ເງິນ 720 ລ້ານໂດລາສະຫະລັດຈາກທະນາຄານໂລກແລະທະນາຄານລົງທຶນພື້ນຖານໂຄງລ່າງອາຊີຫຼື AIIB ເພື່ອໃຊ້ເຂົ້າໃນການພັດທະນາພະລັງໄຟຟ້າ,ການຄຸ້ມຄອງລັດ ການວາງນະໂຍບາຍແລະຂົງເຂດອື່ນໆ. ແນວໃດກໍດີ, ປະເທດຂອງຕົນຈະນຳໃຊ້ເງິນກູ້ງວດໃຫຍ່ທີ່ສຸດໃນໂຄງການເຂື່ອນໄຟຟ້ານ້ຳຕົກຕາເບລາໄລຍະ 5 ໂດຍເຂື່ອນນີ້ມີຄວາມສາມາດຜະລິດໄຟຟ້າໄດ້ເຖິງ 1.410 ແມກາວັດ ເຊິ່ງຄາດວ່າຈະລົງທຶນ 824 ລ້ານໂດລາສະຫະລັດ,ໃນນັ້ນ,ຈະກູ້ຈາກທະນາຄານໂລກ 390 ລ້ານໂດລາສະຫະລັດ ແລະຈາກທະນາຄານ AIIB 134 ລ້ານໂດລາສະຫະລັດ,ສ່ວນທຶນທີ່ເຫຼືອນັ້ນເປັນຄວາມຮັບຜິດຊອບຂອງກົມຕິດຕາມຄຸ້ມຄອງພະລັງງານໄຟຟ້າ(WAPDA) ແລະ ບໍລິສັດສົ່ງໄຟຟ້າແຫ່ງຊາດປາກິສະຖານ(NTDC).