ອົງການທ່ອງທ່ຽວແຫ່ງຊາດຈີນແຈ້ງໃຫ້ຊາບໃນວັນທີ 20 ມັງກອນນີ້ວ່າ: ນັກທ່ອງທ່ຽວຈີນທີ່ເດີນທາງໄປທ່ຽວຕ່າງປະເທດໃນໄລຍະບຸນກຸດຈີນ 2017 ນີ້ຄາດວ່າຈະຫຼາຍກວ່າ 6 ລ້ານເທື່ອຄົນ ທັງນີ້ຈະເຮັດໃຫ້ຍາມບຸນກຸດຈີນກາຍເປັນ "ສັບປະດາຄຳ" ຂອງໂລກ. ນອກນີ້, ສູນຂໍ້ມູນອົງການທ່ອງທ່ຽວແຫ່ງຊາດຈີນຄາດຄະເນວ່າ: ບຸນກຸດຈີນ 2017 ຈະເປັນບຸນກຸດຈີນທີ່ມີນັກທ່ອງທ່ຽວອອກເດີນທາງໄປທ່ຽວຫຼາຍທີ່ສຸດໃນປະຫວັດສາດຈີນ ໂດຍຕະຫຼາດທ່ອງທ່ຽວໃນໄລຍະພັກບຸນກຸດຈີນປີນີ້ຈະຕ້ອນຮັບນັກທ່ອງທ່ຽວ 343 ລ້ານເທື່ອຄົນ ເພີ່ມຂຶ້ນ13,6%ເມື່ອທຽບໃສ່ໄລຍະບຸນກຸດຈີນປີຜ່ານມາ.
ນອກນີ້, ອົງການທ່ອງທ່ຽວແຫ່ງຊາດຈີນໄດ້ຈັດພິທີຖະແຫຼງຂ່າວໃນວັນທີ 20 ມັງກອນນີ້ໂດຍເປີດເຜີຍຜົນການສຳຫຼວດເຈດຕະນາການທ່ອງທ່ຽວຂອງປະຊາຊົນຈີນ(ບໍ່ລວມທັງປະຊາຊົນຮົງກົງ,ມາກາວແລະໄຕ້ຫວັນ)ໃນ 60 ຕົວເມືອງ ເຊິ່ງສະແດງໃຫ້ເຫັນວ່າ ໃນໄຕມາດທີໜຶ່ງຂອງປີນີ້, ປະຊາຊົນຈີນ 82% ມີເຈດຕະນາອອກເດີນທາງໄປທ່ອງທ່ຽວ ໃນນີ້,ເກືອບເຄິ່ງໜຶ່ງເລືອກໄປທ່ຽວໃນໄລຍະບຸນກຸດຈີນ.
 |
