ໃນໄລຍະບຸນກຸດຈີນຕາມຈັນທະຄະຕິຈີນ, ຫຼາຍທ້ອງຖິ່ນຂອງໄທຈະຈັດກິດຈະກຳສະເຫຼີມສະຫຼອງເພື່ອຕ້ອນຮັບກຸດຈີນທີ່ຈະມາເຖິງ.
ທັງນີ້ອົງການທ່ອງທ່ຽວແຫ່ງຊາດໄທຈະຈັດກິດຈະກຳສະຫຼອງບຸນກຸດຈີນຢູ່ສວນສາທາລະນະລົມພິນີ ໃຈກາງນະຄອນຫຼວງບາງກອກລະຫວ່າງວັນທີ 25 -29 ມັງກອນນີ້ ເຊິ່ງນອກຈາກມີການສະແດງວັດທະນະທຳຕ່າງໆເປັນຕົ້ນກາຍຍະສິນ,ການຟ້ອນເຕັ້ນ,ຮ້ອງເພງແລະກັງຟູຄືດັ່ງທຸກປີຜ່ານມາແລ້ວ, ກິດຈະກຳປີນີ້ຈະເນັ້ນໜັກອາຫານຈີນໂດຍພໍ່ຄົວຈາກຮ້ານອາຫານທີ່ມີຊື່ສຽງ 20 ແຫ່ງຈາກນະຄອນຫຼວງປັກກິ່ງ ສປ ຈີນຈະສະແດງສີມືເຮັດໝີ່,ເຂົ້າໜົມເປັນເທື່ອທຳອິດເພື່ອໃຫ້ຜູ້ຊົມຈະໄດ້ຊິມອາຫານແຊບໆແບບຈີນ. ນອກນີ້, ຢູ່ 8 ເຂດໃນທົ່ວປະເທດໄທລວມທັງຊຽງໃໝ່,ພູເກັດຍັງຈະຈັດກິດຈະກຳທີ່ມີຫຼາກຫຼາຍສີສັນເພື່ອຕ້ອນຮັບນັກທ່ອງທ່ຽວ.
ທ່ານຍຸດທະສັກ ສະສີປຣະພາ ຫົວໜ້າອົງການທ່ອງທ່ຽວແຫ່ງຊາດໄທຢືນຢັນວ່າປີນີ້ເປັນປີຄົບຮອບ 42 ປີຂອງການສ້າງຕັ້ງສາຍພົວພັນທາງການທູດໄທ-ຈີນ ທັງເປັນປີທີ 13 ທີ່ໄທຈັດກິດຈະກຳສະເຫຼີມສະຫຼອງບຸນກຸດຈີນ ແລະສຳລັບກິດຈະກຳປີນີ້ຈະມີເອກະລັກພິເສດແລະສ້າງຄວາມປະທັບໃຈຢ່າງເລິກເຊິ່ງ.