ທ່ານໂດນັນ ທຣຳ, ຈາກພັກຮີພັບບຼີກັນ, ຜູ້ຊະນະການເລືອກຕັ້ງປະທານາທິບໍດີອາເມລິກາໄດ້ສາບານຕົວຂຶ້ນຮັບຕຳແໜ່ງປະທານາທິບໍດີອາເມລິກາຊຸດທີ 45 ໃນພິທີຂຶ້ນຮັບຕຳແໜ່ງທີ່ຈັດຂຶ້ນຢູ່ລັດຖະສະພາທີ່ຫໍນະຄອນຫຼວງວໍຊິງຕັນໃນວັນທີ 20 ມັງກອນນີ້.
ທ່ານທຣຳກ່າວວ່າ, ນະໂຍບາຍການຄ້າ, ພາສີ, ຊາວອົບພະຍົບແລະການຕ່າງປະເທດທີ່ລັດຖະບານຕົນສະເໜີອອກນັ້ນລ້ວນແຕ່ຈະສຸມໃສ່ເຮັດໃຫ້ກຳມະກອນແລະຄອບຄົວຊາວອາເມລິກາໄດ້ຮັບຜົນປະໂຫຍດ. ຂະນະທີ່ "ການຈັດຊື້ຜະລິດຕະພັນອາເມລິກາ" ແລະ "ການຈ້າງຄົນອາເມລິກາ" ຈະກາຍເປັນສອງຫຼັກການໃຫຍ່ຂອງຕົນໃນການບໍລິຫານປະເທດ.
ຂະນະດຽວກັນ, ທ່ານທຣຳຍັງກ່າວຕື່ມວ່າຕົນໄດ້ຮັບເລືອກຕັ້ງເປັນປະທານາທິບໍດີອາເມລິກາແມ່ນໄຊຊະນະຂອງປະຊາຊົນ, ແລະຕິຕຽນວົງການການເມືອງຂອງວໍຊິງຕັນເບິ່ງຂ້າມຄວາມລຳບາກຂອງປະຊາຊົນໃນໄລຍະດົນນານມານີ້.
ມື້ດຽວກັນ, ທ່ານໄມຄໍ ເປນສ໌ ກໍໄດ້ສາບານຕົວຂຶ້ນຮັບຕຳແໜ່ງເປັນຮອງປະທານາທິບໍດີອາເມລິກາ.