ກອງທັບເຮືອ ສ ເກົາຫຼີແຈ້ງຂ່າວວ່າ, ວັນທີ 20 ມັງກອນນີ້, ສ ເກົາຫຼີ ອາເມລິກາແລະຍີ່ປຸ່ນຕ່າງໄດ້ຈັດການຊ້ອມຮົບເພື່ອຮັບມືກັບ ສປປ ເກົາຫຼີທີ່ຈະຍິງລູກສອນໄຟນຳວິຖີ, ແລະຈະດຳເນີນຮອດວັນທີ 22 ມັງກອນນີ້.
ນີ້ແມ່ນສາມປະເທດດັ່ງກ່າວຈັດການຊ້ອມຮົມຮ່ວມຄ້າຍຄືກັນເປັນຄັ້ງທີ 3 ຫຼັງຈັດຂັ້ນ 2 ເທື່ອໃນເດືອນມິຖຸນາແລະເດືອນພະຈິກປີຜ່ານມາ, ທັງນີ້ກໍເພື່ອຍົກສູງຄວາມສາມາດການຢັ່ງແທກແລະຕິດຕາມລູກສອນໄຟນຳວິຖີຂອງ ສປປ ເກົາຫຼີ.
ຂະນະດຽວກັນ, ໜັງສືພິມ "ໂລດົງຊິນມຸນ" ສະບັບວັນທີ 20 ມັງກອນນີ້ຂອງ ສປປ ເກົາຫຼີໄດ້ພິມບົດນຳໂດຍລະບຸວ່າ, ການຍິງລູກສອນໄຟນຳວິຖີຂ້າມທະວີບເພື່ອຮັບມືກັບການຂົ່ມຂູ່ດ້ວຍສົງຄາມນິວເຄລຍຈາກອາເມລິກາແມ່ນການກະທຳປ້ອງກັນຕົວທີ່ຊອບທຳ, " ບໍ່ວ່າຜູ້ອື່ນຈະເວົ້າແນວໃດກໍຕາມ, ກໍຈະຍິງລູກສອນໄຟນຳວິຖີຂ້າມທວີບຕາມການກຳນົດເວລາແລະສະຖານທີ່ຂອງການນຳສູງສຸດ."
ວັນທີ 8 ມັງກອນນີ້, ໂຄສົກກະຊວງການຕ່າງປະເທດ ສປປ ເກົາຫຼີໄດ້ຖະແຫຼງຕໍ່ນັກຂ່າວວ່າ, ການຍິງລູກສອນໄຟນຳວິຖີຂ້າມທະວີບຂອງ ສປປ ເກົາຫຼີໄດ້ເຂົ້າສູ່ໄລຍະກະກຽມສຸດທ້າຍແລ້ວ,ແລະຈະຍິງທົດລອງໄດ້ໃນທຸກເວລາ.
 |
