ສະຖານີໂທລະພາບຊ່ອງ 3 ຂອງໄທກ່າວໃນວັນທີ 21 ມັງກອນີ້ວ່າ:ຈະສາຍລະຄອນຈີນ "ສາມກົກ" ທີ່ພາກສຽງເປັນພາສາໄທແຕ່ວັນທີ 30 ມັງກອນນີ້ເປັນຕົ້ນໄປ ໂດຍຄາດວ່າຈະໄດ້ຮັບຄວາມນິຍົມຢູ່ປະເທດດັ່ງກ່າວ.
ຂ່າວແຈ້ງວ່າ: ນີ້ແມ່ນການນຳເອົາລະຄອນ "ສາມກົກ" ສະບັບ 2010 ເຂົ້າສາຍອອກອາກາດຢູ່ໄທຄັ້ງທຳອິດ ແຕ່ວັນຈັນຫາວັນສຸກ ມື້ລະ 1 ຕອນ.ກ່ອນຈະສາຍອອກອາກາດ,ໂທລະພາບຊ່ອງດັ່ງກ່າວໄດ້ໂຄສະນາເບື້ອງຕົ້ນຢ່າງຕໍ່ເນື່ອງ, ພ້ອມທັງຈະອອກລາຍການພິເສດທຸກມື້ແຕ່ວັນທີ 23 ຫາວັນທີ 27 ມັງກອນນີ້ ໂດຍໄດ້ເຊີນຜູ້ຊ່ຽວຊານໄທ,ຜູ້ຕາງໜ້າຊາວຈີນຢູ່ໄທ,ນັກປະພັນ ລະຄອນແລະບຸກຄົນວົງການຕ່າງໆໃນສັງຄົມມາໃຫ້ຄຳເຫັນໂດຍຈະບັນລະຍາຍເນື້ອໃນລະຄອນດັ່ງກ່າວ ເພື່ອໂຄສະນາອີກຕໍ່ເນື່ອງ.
ໃນປີ 1802, ນະວະນິຍາຍ "ສາມກົກ" ໄດ້ນຳເຂົ້າໄທໂດຍແປເປັນພາສາໄທ ແລະໄດ້ພິມຈຳໜ່າຍໃນປີ 1865 ເຊິ່ງສາມາດສ້າງຄວາມນິຍົມຊົມຊອບທີ່ສຸດຢູ່ໄທ.