ທ່ານ ໂດນັດ ທຣຳ ໄດ້ສາບານຕົວຂຶ້ນຮັບຕຳແໜ່ງປະທານາທິບໍດີອາເມລິກາຊຸດທີ 45 ຢ່າງເປັນທາງການຢູ່ນະຄອນຫຼວງວໍຊິງຕັນເມື່ອວັນທີ 20 ມັງກອນນີ້. ຫຼັງຈາກນັ້ນ, ປະມຸກລັດແລະເຈົ້າໜ້າທີ່ຂອງຫຼາຍປະເທດໄດ້ສະແດງຄວາມຫວັງຢາກພັດທະນາການພົວພັນຮ່ວມມືກັບລັດຖະບານອາເມລິກາຊຸດໃໝ່ ແລະຫວັງສ້າງຄວາມເປັນເອກະພາບກັນໃນບັນຫາຈຸດສຸມ.
ທຳນຽບປະທານາທິບໍດີເອຢິບຖະແຫຼງວ່າ, ທ່ານປະທານາທິບໍດີ ອັບແດນ ຟັດຕາ ອັນ ຊີຊີ ຫວັງໃຫ້ສາຍພົວພັນສອງປະເທດຈະກ້າວກະໂດດໃໝ່ໃນໄລຍະທ່ານ ທຣຳ ດຳລົງຕຳແໜ່ງປະທານາທິບໍດີເປັນເວລາ 4 ປີ ເພື່ອບັນລຸຜົນປະໂຫຍດຮ່ວມກັນຂອງປະຊາຊົນສອງຊາດ.
ຂະນະທີ່ທຳນຽບປະທານາທິບໍດີປາແລັສຕິນ ໄດ້ອອກຖະແຫຼງການສັ້ນໆວ່າ, ທ່ານປະທານາທິບໍດີ ມາມຸດ ອັບບັສ ຫວັງຈະຮ່ວມມືກັບລັດຖະບານອາເມລິກາທີ່ນຳໂດຍທ່ານ ທຣຳ ເພື່ອບັນລຸສັນຕິພາບ, ຄວາມໝັ້ນຄົງແລະສະຖຽນລະພາບຂອງພາກພື້ນ.
ນອກນີ້, ທ່ານ ຢັງ ມັກ ໄອຣາວທ໌ ລັດຖະມົນຕີກະຊວງການຕ່າງປະເທດຝຣັ່ງກໍກ່າວໃນວັນທີ 19 ທັນວານີ້ວ່າ, ຝຣັ່ງແລະອາເມລິກາມີຜົນປະໂຫຍດແລະທັດທະນະຄຸນຄ່າທີ່ຄືກັນ, "ພວກຂ້າພະເຈົ້າຫວັງຢາກສ້າງການພົວພັນທີ່ແໜ້ນແຟ້ນກັບລັດຖະບານອາເມລິກາຊຸດໃໝ່ໂດຍໄວ."
 |
