ເວັບໄຊທຳນຽບຂາວໄດ້ປະກາດ 6 ເປົ້າໝາຍໃຫຍ່ຂອງລັດຖະບານອາເມລິກາຊຸດໃໝ່ໃນວັນທີ 20 ມັງກອນນີ້ ໂດຍເນັ້ນການປະຕິຮູບພະລັງງານ, ການປັບປຸງນະໂຍບາຍການຕ່າງປະເທດ, ການສ້າງຄວາມຈະເລີນຄືນໃໝ່ດ້ານການປະກອບອາຊີບແລະການເຕີບໂຕ, ການຍົກສູງກຳລັງການທະຫານ, ການສ້າງຄວາມເຂັ້ມແຂງດ້ານກົດໝາຍ ແລະການເຈລະຈາສັນຍາການຄ້າຄືນໃໝ່.
ໜຶ່ງໃນເປົ້າໝາຍດັ່ງກ່າວກໍຄື ຂົງເຂດເສດຖະກິດໄດ້ເຮັດໃຫ້ຄົນສົນໃຈຫຼາຍ, ຕົວຢ່າງຄືການຖອນອອກຈາກສັນຍາການພົວພັນຄູ່ຂ້າມປາຊີຟິກ ຫຼື TPP, ການເຈລະຈາກ່ຽວກັບສັນຍາການຄ້າເສລີອາເມລິກາເໜືອຄືນໃໝ່, ການຊຸກຍູ້ເສດຖະກິດໃຫ້ເຕີບໂຕ 4% ຕໍ່ປີ, ເພີ່ມໜ້າທີ່ວຽກງານ 25 ລ້ານຕຳແໜ່ງໃນ 10 ປີຕໍ່ໜ້າ, ການຫຼຸດອາກອນລາຍໄດ້ຂອງສ່ວນບຸກຄົນແລະວິສາຫະກິດ ທັງເຮັດໃຫ້ລະບຽບການສ່ວຍສາອາກອນກະທັດຮັດງ່າຍຂຶ້ນ, ສ້າງລາຍຮັບດ້ານພະລັງງານຈາກສິ່ງທີ່ກາຍມາເປັນຫີນນັ້ນໃຫ້ຫຼາຍຂຶ້ນ ເພື່ອຮັບປະກັນການສ້າງພື້ນຖານໂຄງລ່າງ ແລະອື່ນໆ.
 |
