ເຈົ້າໜ້າທີ່ດ່ານພາສີເຫີໂຄວລາຍງານຫວ່າງມໍ່ໆມານີ້ວ່າ, ນັບແຕ່ເລີ່ມປະຕິຮູບໃນວັນທີ 13 ພຶດສະພາຫາທ້າຍປີ 2016, ສາມາດບັນລຸມູນຄ່າການຄ້າຕະຫຼາດຊາຍແດນເຫີໂຄວລະຫວ່າງຈີນກັບຫວຽດນາມຂອງເຖິງ 1 ຕື້ 223 ລ້ານຢວນ, ທຽບໃສ່ໄລຍະດຽວກັນປີ 2015 ເພີ່ມຂຶ້ນ 134%, ຂະນະທີ່ການຂົນສົ່ງສິນຄ້າກໍບັນລຸ 7,39 ໂຕນ, ທຽບໃສ່ໄລຍະດຽວກັນຂອງປີ 2015 ເພີ່ມຂຶ້ນ 56%, ນອກນີ້ຍັງອຳນວຍຄວາມສະດວກໃຫ້ແກ່ມີປະຊາຊົນຕາມຊາຍແດນເຂົ້າຕະຫຼາດຊາຍແດນ 1 ແສນ 5 ໝື່ນ 4 ພັນ 8 ຮ້ອຍເທື່ອຄົນ, ທຽບໃສ່ໄລຍະດຽວກັນປີ 2015 ເພີ່ມຂຶ້ນ 127%. ທັງນີ້ໃນແຕ່ລະມື້ຢູ່ດ່ານພາສີເຫີໂຄວມີປະຊາຊົນທີ່ອາໄສຢູ່ຕາມຊາຍແດນປະມານ 700 ຄົນເຂົ້າຮ່ວມຊື້ຂາຍໃນຕະຫຼາດຊາຍແດນ, ສົ່ງຜົນເຣັດໃຫ້ສ້າງ ລາຍຮັບສະເລ່ຍຕາມຫົວຄົນເພີ່ມຂຶ້ນ 3000 ກວ່າຢວນ.
ພາຍຫຼັງປະສົບຜົນສຳເລັດໃນການເປີດຈຸດທົດລອງເຫີໂຄວ, ດ່ານພາສີຄຸນມິງກໍໄດ້ ຊຸກຍູ້ການປະຕິຮູບຕະຫຼາດຊາຍແດນໃນທ້າຍປີຜ່ານມາ, ທັງຈະເຜີຍແຜ່ການປະຕິຮູບຕະຫຼາດຊາຍແດນໃນທົ່ວແຂວງຢຸນນານເທື່ອລະກ້າວ, ເພື່ອປະຕິບັດນະໂຍບາຍຂອງຊາດຄື " ເຮັດໃຫ້ເຂດຊາຍແດນຈະເລີນຮຸ່ງເຮືອງແລະປະຊາຊົນຕາມຊາຍແດນຮັ່ງມີຂຶ້ນ".
 |
