ນະຄອນຫຼວງບາງກອກຂອງໄທຈະຈັດກິດຈະກຳວັດທະນະທຳບຸນກຸດຈີນ 2017 ທີ່ໃຫຍ່ໂຕມະໂຫລານແຕ່ວັນທີ 25-29 ມັງກອນນີ້ ເພື່ອໃຫ້ປະຊາຊົນໄທກໍຄືນັກທ່ອງທ່ຽວຈີນແລະຕ່າງປະເທດສາມາດສຳຜັດກັບວັດທະນະທຳແບບພິເສດ.
ທ່ານ ຍຸດທະສັກ ສະສິປະພາ ຫົວໜ້າອົງການທ່ອງທ່ຽວແຫ່ງຊາດໄທ ໃຫ້ສຳພາດຕໍ່ສື່ມວນຊົນວ່າ, ປີ 2017 ແມ່ນປີຄົບຮອບ 42 ປີແຫ່ງການສ້າງສາຍສຳພັນທາງການທູດຈີນ-ໄທ ແລະກໍແມ່ນປີທີ 13 ທີ່ສອງປະເທດຮ່ວມກັນຈັດກິດຈະກຳສະຫຼອງບຸນກຸດຈີນ. ທັງນີ້ໄທແມ່ນໜຶ່ງໃນຕ່າງປະເທດທີ່ຈັດກິດຈະກຳສະຫຼອງບຸນກຸດຈີນຂະໜາດໃຫຍ່ ໂດຍໄດ້ເພີ່ມຄວາມເປັນເອກະລັກໄທຈຳນວນໜຶ່ງໃນກິດຈະກຳປີນີ້ໂດຍສະເພາະ ເປັນຕົ້ນການຈັດງານສະແດງຊາວໄທເຊື້ອສາຍຈີນ ແລະເຊື້ອເຊີນອົງການຈັດຕັ້ງຊາວໄທເຊື້ອສາຍຈີນແລະຈີນຕ່າງດ້າວໃນທົ່ວປະເທດມາສະແດງວັດທະນະທຳບຸນກຸດຈີນທີ່ພິເສດຂອງຕົນ. ແນວໃດກໍດີ ຫວັງວ່າ ກິດຈະກຳວັດທະນະທຳແບບນີ້ ຈະເຮັດໃຫ້ຊາວໄທແລະນັກທ່ອງທ່ຽວປະເທດຕ່າງໆໄດ້ສຳຜັດເປັນແບບພິເສດ.