ຫວ່າງມໍ່ໆນີ້ ທ່ານ ໂຈໂຄ ວິໂດໂດ ປະທານາທິບໍດີອິນໂດເນເຊຍ ໄດ້ອອກດຳລັດກ່ຽວກັບບັນຫາຊາວອົບພະຍົບ ເພື່ອເຮັດໃຫ້ຂັ້ນຕອນຮ້ອງຂໍການປົກປ້ອງງ່າຍຂຶ້ນ ແລະການເຂົ້າເມືອງໃຫ້ງ່າຍກວ່າເກົ່າ.
ຂ່າວແຈ້ງວ່າ, ທ່ານ ໂຈໂຄ ໄດ້ລົງນາມໃນດຳລັດດັ່ງກ່າວໃນວັນທີ 31 ທັນວາປີຜ່ານມາ ແລະເຈົ້າໜ້າທີ່ອິນໂດເນເຊຍກໍສາມາດຊ່ວຍເຫຼືອຊາວອົບພະຍົບທີ່ສະແຫວງຫາການປົກປ້ອງ 14.000 ຄົນທີ່ເຂົ້າເມືອງດົນນານແຕ່ບໍ່ໄດ້ຖືກຈັດສັນມາໂດຍຕະຫຼອດນັ້ນຕາມກົດໝາຍ. ແນວໃດກໍດີ, ດຳລັດຂອງປະທານາທິບໍດີສະບັບດັ່ງກ່າວບໍ່ໄດ້ປ່ຽນແປງຫຼັກໝັ້ນຂອງອິນໂດເນເຊຍທີ່ບໍ່ໄດ້ລົງນາມໃນ "ສົນທິສັນຍາວ່າດ້ວຍຖານະຂອງຊາວອົບພະຍົບ" ແຕ່ລັດຖະບານອິນໂດເນເຊຍຕ້ອງຮັບຜິດຊອບສົ່ງຄືນຫຼືຈັດສັນຊາວອົບພະຍົບໃນອະນາຄົດ.
ກ່ອນອອກດຳລັດດັ່ງກ່າວ, ອິນໂດເນເຊຍພຽງແຕ່ແກ້ໄຂບັນຫາຊາວອົບພະຍົບແລະຜູ້ສະແຫວງຫາການປົກປ້ອງຕາມກົດໝາຍການພົວພັນສາກົນ ເຊິ່ງເຮັດໃຫ້ອົງການລັດຫຼາຍແຫ່ງບໍ່ຮູ້ຈະຈັດຕັ້ງປະຕິບັດແນວໃດ.