ທ່ານຟຣານສ໌ ຄລິນເຊວິກ ຮອງປະທານຜູ້ທີໜຶ່ງຄະນະກຳມາທິການປ້ອງກັນປະເທດແລະຄວາມໝັ້ນຄົງແຫ່ງຊາດ ຄະນະກຳມະການສະຫະພັນຣັດເຊຍ ກ່າວໃນວັນທີ 23 ມັງກອນນີ້ວ່າ: ບໍ່ວ່າຜູ້ນຳຍີ່ປຸ່ນ ຫຼື ປະເທດອື່ນໄດ້ຖະແຫຼງຫຍັງອອກມາກໍຕາມ, ຣັດເຊຍກໍຈະສືບຕໍ່ປັບປຸງການທະຫານຢູ່ໝູ່ເກາະກູຣິນໃຕ້ (ຍີ່ປຸ່ນເອີ້ນວ່າ 4 ເກາະພາກເໜືອ) ເພື່ອຮັບປະກັນຄວາມໝັ້ນຄົງແຫ່ງຊາດຂອງປະເທດຕົນ.
ທ່ານຄລິນເຊວິກ ກ່າວຕື່ມວ່າ: ເຂດຕາເວັນອອກໄກບໍ່ແມ່ນເຂດໜຶ່ງທີ່ມີຄວາມສະຫງົບ ແຕ່ມີຄວາມສຳຄັນຫຼາຍຕໍ່ປະເທດຕົນຈາກມຸມຄວາມໝັ້ນຄົງ. ຂະນະດຽວກັນ ກໍເຫັນວ່າ ຍີ່ປຸ່ນພວມໄປຕາມແນວທາງຂອງອາເມລິກາຢ່າງໃກ້ຊິດ ຈົນເສຍແນວຄິດທີ່ເປັນປົກກະຕິແລ້ວ.
ທ່ານວະລາດີເມຍ ປູຕິນ ປະທານາທິບໍດີຣັດເຊຍ ໄດ້ຢ້ຽມຢາມຍີ່ປຸ່ນຢ່າງເປັນທາງການໃນເດືອນທັນວາປີຜ່ານມາ, ແຕ່ສອງຝ່າຍບໍ່ມີຄວາມຄືບໜ້າໃນບັນຫາດິນແດນ ແລະ ສົນທິສັນຍາສັນຕິພາບແຕ່ຢ່າງໃດ. ຂະນະທີ່ກ່ອນໜ້ານີ້, ການຢ້ຽມຢາມຍີ່ປຸ່ນຂອງທ່ານປູຕິນທີ່ເດີມນັ້ນເມື່ອປີ 2014 ແຕ່ກໍໄດ້ເລື່ອນເວລາມາຫຼາຍເທື່ອ ຈົນຮອດເດືອນທັນວາປີຜ່ານມາ.
