ວັນທີ 23 ມັງກອນນີ້, ທ່ານ ບາຊາ ຈາຟາຣີ ຫົວໜ້າຄະນະຜູ້ແທນລັດຖະບານຊີຣີກ່າວຢູ່ນະຄອນຫຼວງອານມາອາຕາປະເທດກາຊັກສະຖານ ວ່າ: "ແນວໂຮມ Jabhat Fateh al-Sham" ໄດ້ຖືກອົງການສະຫະປະຊາຊາດຈັດເຂົ້າໃນອົງການກໍ່ການຮ້າຍ ແລະ ກອງທັບລັດຖະບານຊີຣີພວມໃຊ້ກຳລັງການທະຫານຕໍ່ສູ້ກັບອົງການດັ່ງກ່າວ, ແຕ່ຄະນະຜູ້ແທນຝ່າຍຕໍ່ຕ້ານລັດຖະບານຊີຣີພັດເຫັນວ່າແນວໂຮມດັ່ງກ່າວບໍ່ແມ່ນອົງການກໍ່ການຮ້າຍ. ນອກນີ້, ກໍ່ໄດ້ຕຳໜິກຸ່ມປະກອບອາວຸດຕໍ່ຕ້ານລັດຖະບານທີ່ບໍ່ປະຕິບັດຕາມສັນຍາວ່າດ້ວຍການຢຸດຍິງ ແລະໄດ້ບິດເບືອນເນື້ອໃນສັນຍາວ່າດ້ວຍການຢຸດຍິງ.
ຂະນະດຽວກັນ,ທ່ານ ຈາຣານ ອາລຸສ໌ຮ໌ ຫົວໜ້າຄະນະຜູ້ແທນຝ່າຍຕໍ່ຕ້ານລັດຖະບານຊີຣີໄດ້ຮຽກຮ້ອງໃຫ້ກຸ່ມປະກອບອາວຸດຕ່າງປະເທດທີ່ອີຣານສະໜັບສະໜູນຖອນອອກຈາກຊີຣີ, ຖ້າບໍ່ດັ່ງນັ້ນ "ການປະຕິບັດສັນຍາວ່າດ້ວຍການຢຸດຍິງກໍຈະປະສົບຄວາມຫຍຸ້ງຍາກ". ທີ່ສຳຄັນ, ທ່ານ ບາຊາ ອານອາຊັດ ປະທານາທິບໍດີຊີຣີຕ້ອງລາອອກຈາກຕຳແໜ່ງ ແລະກຸ່ມປະກອບອາວຸດຕ່າງປະເທດທີ່ອີຣານສະໜັບສະໜູນຖອນອອກຈາກຊີຣີຈຶ່ງຈະສາມາດເລີ່ມຂະບວນການທາງການເມືອງຂອງຊີຣີໄດ້.