ວັນທີ 23 ມັງກອນນີ້, ທ່ານ ສຕີເຟັນ ດູຈາຣິກ ໂຄສົກເລຂາທິການໃຫຍ່ອົງການສະຫະປະຊາຊາດກ່າວວ່າ: ທ່ານ ອັນໂຕນີໂອ ກູເຕີຣິສ ເລຂາທິການໃຫຍ່ອົງການສະຫະປະຊາຊາດໄດ້ອະນຸມັດນະໂຍບາຍເພີ່ມທະວີການປົກປ້ອງຜູ້ເຜີຍແບການກະທຳທີ່ອາດຈະບໍ່ຖືກຕ້ອງຢູ່ໃນລະບົບອົງການສະຫະປະຊາຊາດຫຼືຜູ້ພິຈາລະນາແລະການສືບສວນ, ເຊິ່ງນະໂຍບາຍດັ່ງກ່າວໄດ້ຮັບຄວາມເຫັນດີຈາກພະນັກງານແລະຜູ້ບໍລິຫານງານຂອງອົງການສະຫະປະຊາຊາດແລ້ວ.
ຈາກນະໂຍບາຍດັ່ງກ່າວ,ຫ້ອງການເພື່ອຄຸນສົມບັດແລະຈັນຍາທຳແລະ ພະແນກວຽກງານຕິດຕາມພາຍໃນຂອງອົງການສະຫະປະຊາຊາດ ສາມາດໃຊ້ມາດຕະການປ້ອງກັນລ່ວງໜ້າຢ່າງທັນການ ເພື່ອບໍ່ໃຫ້ຜູ້ເຜີຍແບຖືກແກ້ແຄ້ນ. ຂະນະດຽວກັນນະໂຍບາຍດັ່ງກ່າວຍັງໄດ້ເພີ່ມຂອບເຂດຂອງຜູ້ທີ່ໄດ້ຮັບການປົກປ້ອງກວ້າງອອກອີກ.