ກຳປູເຈຍໄດ້ເຜີຍແຜ່ບົດລາຍງານການລົງທຶນໂດຍກົງຈາກຕ່າງປະເທດ(FDI)ປີ 2016 ຫຼ້າສຸດໂດຍຊີ້ໃຫ້ເຫັນວ່າ: ຍອດມູນຄ່າການລົງທຶນໂດຍກົງຈາກຕ່າງປະເທດຢູ່ປະເທດຕົນມີເຖິງ 2 ຕື້ 155 ລ້ານໂດລາສະຫະລັດ,ໃນນີ້ແຜ່ນດິນໃຫຍ່ຈີນແມ່ນແຫຼ່ງລົງທຶນໃຫຍ່ທີ່ສຸດ ເຊິ່ງມີຍອດມູນຄ່າເຖິງ 511 ລ້ານໂດລາສະຫະລັດ, ຂະນະທີ່ເຂດບໍລິຫານພິເສດຮົງກົງເປັນອັນດັບສອງ.
ບົດລາຍງານດັ່ງກ່າວທີ່ເຜີຍແຜ່ໂດຍທະນາຄານກາງກຳປູເຈຍຫຼື NBC ສະແດງໃຫ້ເຫັນວ່າ: ມູນຄ່າການລົງທຶນຈາກເຂດບໍລິຫານພິເສດຮົງກົງຈີນມີເຖິງ 237 ລ້ານໂດລາສະຫະລັດ, ຖັດມາແມ່ນຫວຽດນາມ,ຍີ່ປຸ່ນ,ສິງກະໂປ,ອັງກິດ,ອາເມລິກາ,ໄຕ້ຫວັນຈີນແລະໄທ. ໂດຍການລົງທຶນໂດຍກົງຈາກຕ່າງປະເທດຕົ້ນຕໍແມ່ນຂົງເຂດການເງິນເຊິ່ງກວມເອົາ 25%, ຫັດຖະກຳແລະອຸດສາຫະກຳກວມ 18%, ກະສິກຳກວມ 11% ແລະອື່ນໆ.