ວັນທີ 23 ມັງກອນນີ້, ທ່ານໂດນັນ ທຣຳ ປະທານາທິບໍດີອາເມລິກາໄດ້ລົງນາມໃນລັດຖະດຳລັດ, ໂດຍປະກາດວ່າອາເມລິກາໄດ້ຖອນອອກຈາກສັນຍາຄູ່ຮ່ວມຂ້າມປາຊີຟິກ ຫຼື TPP ຢ່າງເປັນທາງການ.
ທ່ານເຊນ ສະເພັສ ໂຄສົກທຳນຽບຂາວກ່າວໃນພິທີຖະແຫຼງຂ່າວໃນວັນທີ 23 ມັງກອນນີ້ວ່າ, ການລົງນາມໃນລັດຖະດຳລັດດັ່ງກ່າວເປັນຂີດໝາຍທີ່ສະແດງໃຫ້ເຫັນນະໂຍບາຍການຄ້າຂອງອາເມລິກາໄດ້ກ້າວເຂົ້າສູ່ໄລຍະໃໝ່. ທັງນີ້ລັດຖະບານອາເມລິກາຈະຂຸດຄົ້ນຄວາມສາມາດບົ່ມຊ້ອນທາງການຄ້າກັບປະເທດພັນທະມິດຂອງປະເທດຕົນແລະປະເທດອື່ນໆໃນຕໍ່ໜ້າ.
ຂະນະທີ່ທ່ານທຣຳກໍໄດ້ກ່າວຕໍ່ເຈົ້າໜ້າທີ່ຂັ້ນສູງຂອງວິສາຫະກິດອາເມລິກາຫຼາຍຄົນວ່າ, ຖ້າວ່າວິສາຫະກິດອາເມລິກາຍ້າຍການຜະລິດຂອງຕົນໄປປະເທດອື່ນ, ກໍຈະຖືກເກັບອາກອນຂ້າມຊາດສູງສົມຄວນ.
ເດືອນກຸມພາປີຜ່ານມາ, 12 ປະເທດທີ່ເຂົ້າຮ່ວມການເຈລະຈາ TPP ໄດ້ລົງນາມ ຢ່າງເປັນທາງການ, ແຕ່ວ່າ TPP ຍັງຕ້ອງການອົງການການໃຫ້ສັດຕະຍາບັນຂອງນິຕິບັນຍັດປະເທດຕ່າງໆຈຶ່ງສາມາດບັງຄັບໃຊ້ໄດ້.