ຫຼັງສົມເດັດພູມີພົນອະດຸນຍະເດດ ເຈົ້າຊີວິດໄທສະຫວັນນະຄົດເມື່ອເດືອນຕຸລາປີ 2016 ຜ່ານມາ ແລະລັດຖະບານໄທໄດ້ປະກາດໄວ້ອາໄລລະດັບຊາດຈົນເຖິງກາງເດືອນຕຸລາປີນີ້, ດ້ວຍເຫດດັ່ງກ່າວການສະຫຼອງບຸນກຸດຈີນທີ່ເປັນມູນເຊື້ອຂອງນະຄອນຫຼວງບາງກອກຈິ່ງຖືກຍົກເລີກ.
ໜັງສືພິມບາງກອກໂພສສະບັບວັນທີ 23 ມັງກອນນີ້ໄດ້ລາຍງານໂດຍອີງຕາມຂ່າວຈາກຫ້ອງການຄຸ້ມຄອງເຂດທີ່ໄຊນາທາວນະຄອນຫຼວງບາງກອກຕັ້ງຢູ່ນັ້ນວ່າ ຄະນະກຳມະການກະກຽມບຸນກຸດຈີນໄດ້ຕົກລົງຍົກເລີກການສະຫຼອງບຸນກຸດຈີນຢູ່ຖະໜົນຢາເຍົາວະລາດ(ໄຊນາທາວ) ແລະສະມາຊິກຄະນະກຳມະການດັ່ງກ່າວກໍປະກອບດ້ວຍຜູ້ຕາງໜ້າຫ້ອງການຄຸ້ມຄອງເຂດແລະຫົວໜ້າຄະນະສະມາຄົມຊາວຈີນຢູ່ນະຄອນຫຼວງບາງກອກ.