"ງານວາງສະແດງການອອກແບບສິລະປະເອກະລັກຈີນ--ບຸນກຸດຈີນ2017ທີ່ມ່ວນຊື່ນ"ໄດ້ຈັດຂຶ້ນໃນຄືນວັນທີ 24 ມັງກອນນີ້ຢູ່ສູນວັດທະນະ ທຳຈີນນະຄອນຫຼວງແບັກແລັງປະເທດເຢຍລະມັນໂດຍທ່ານສືມິງເຕີ ເອກອັກຄະລັດຖະທູດຈີນປະຈຳເຢຍລະມັນແລະແຂກຖືກເຊີນເຢຍລະມັນຮ້ອຍກວ່າທ່ານເຂົ້າຮ່ວມ.
ງານວາງສະແດງຄັ້ງນີ້ມີຫົວຂໍ້ "ຫົວຄິດປະດິດສ້າງຈີນ,ເອກະລັກແບບຈີນ,ການອອກແບບຂອງຈີນ"ໂດຍນຳເອົາຫັດຖະກຳຖັກແສ່ວທີ່ມີຊື່ສຽງ 4 ຂະແໜງ, ຊຸດກີເພົາແລະຜ້າແສ່ວເຜົ່າມົ້ງ ຈາກເຂດນິຄົມອຸດສາຫະກຳວັດທະນະທຳເສັ້ນໄໝຈີນມາວາງສະແດງເຊິ່ງສ່ອງແສງໃຫ້ເຫັນເຖິງຄວາມເຂົ້າໃຈເປັນພິເສດແລະການສືບທອດສິລະປະຫັດຖະກຳດັ້ງເດີມຂອງບັນດານາຍຊ່າງຫັດຖະກຳຍຸກປັດຈຸບັນ. ສ່ວນຮ້ານວາງສະແດງວັດທະນະທຳຊາແບບປະຍຸກຂອງຈີນຍຸກປັດຈຸບັນກໍໄດ້ເຮັດໃຫ້ຜູ້ຊົມເຫັນໄດ້ວ່າຄົນຈີນໄດ້ສະແຫວງຫາການສ້າງຊີວິດການເປັນຢູ່ທີ່ມີຄຸນນະພາບສູງ.
