ຄະນະກຳມະການໂອລິມປິກສ ເກົາຫຼີຢືນຢັນໃນວັນທີ 25 ມັງກອນນີ້ວ່າ ຕົນໄດ້ສົ່ງສານເຖິງຄະນະກຳມະການຈັດກິລາລະດູໜາວອາຊີເມືອງຊັບໂປໂຣຍີ່ປຸ່ນຢ່າງເປັນທາງການໂດຍຮຽກຮ້ອງໃຫ້ປະຕິບັດມາດຕະການຮັບມືຕໍ່ກໍລະນີທີ່ໂຮງແຮມAPAວາງປຶ້ມຝ່າຍຂວາຢ່າງເປີດແປນ.
ສານດັ່ງກ່າວລະບຸວ່າ: ການທີ່ວາງປຶ້ມຝ່າຍຂວາຢູ່ໃນໂຮງແຮມທີ່ຄະນະກຳມະການຈັດງານກຳນົດນັ້ນບໍ່ສອດຄ່ອງກັບທິດທາງຂອງ ກິລາລະດູໜາວອາຊີທີ່ສົ່ງເສີມການແລກປ່ຽນສາກົນດ້ວຍກິລາ ແລະຮຽກຮ້ອງໃຫ້ ໃຊ້ມາດຕະການກ່ຽວຂ້ອງຕໍ່ກໍລະນີນີ້.
ຄະນະກຳມະການໂອລິມປິກສ ເກົາຫຼີຢືນຢັນໃນຕອນບ່າຍວັນທີ 25 ມັງກອນນີ້ວ່າ ຄະນະກຳມະການຈັດກິລາລະດູໜາວອາຊີຊັບໂປໂຣໄດ້ສົ່ງສານຕອບ ຄະນະກຳມະການໂອລິມປິກສ ເກົາຫຼີແລ້ວໂດຍຢືນຢັນວ່າຈະເອົາປຶ້ມຝ່າຍຂວາທີ່ວາງຢູ່ຫ້ອງນອນໂຮງແຮມ APA ເຊິ່ງເປັນທີ່ພັກ ຂອງນັກກິລານັ້ນອອກໃນໄລຍະຈັດກິລາລະດູໜາວອາຊີ.
ເມື່ອມໍ່ໆນີ້, ສື່ມວນຊົນໄດ້ເປີດເຜີຍເຫດການຫ້ອງນອນຂອງໂຮງແຮມຕ່ອງໂສ້ APA ຂອງຍີ່ປຸ່ນໄດ້ວາງປຶ້ມຝ່າຍຂວາທີ່ບິດເບືອນປະຫວັດສາດ ເຊິ່ງພາໃຫ້ຈີນແລະສ ເກົາຫຼີເກີດຄວາມໂກດແຄ້ນຢ່າງຮຸນແຮງ.