ຕອນບ່າຍວັນທີ 25 ມັງກອນນີ້, ທ່ານເຊີ ມຽງ ກຳມະການຄະນະກຳມະການໂອລິມປິກສາກົນ ໄດ້ຕາງໜ້າທ່ານ ໂທມັສ ບາສ໌ ປະທານຄະນະກຳມະການໂອລິມປິກສາກົນ ມອບຂັນລາງວັນປະທານຄະນະກຳມະການໂອລິມປິກສາກົນໃຫ້ທ່ານຮຸນເຊັນ ນາຍົກລັດຖະມົນຕີກຳປູເຈຍ ຢູ່ນະຄອນຫຼວງພະນົມເປັນ ເພື່ອຊົມເຊີຍຕໍ່ການປະກອບສ່ວນໃນພາລະກິດການກິລາ.
ທ່ານເຊີ ມຽງ ກ່າວວ່າ: ຂັນລາງວັນດັ່ງກ່າວ ແມ່ນການສ້າງຂຶ້ນຂອງທ່ານຮັກເກັສ ໂຣເກ(Jacques Rogge) ອະດີດປະທານຄະນະກຳມະການໂອລິມປິກສາກົນ ເພື່ອມອບໃຫ້ນັກກິລາ ຫຼື ຜູ້ນຳການກິລາທີ່ໄດ້ປະກອບສ່ວນອັນລ້ຳຄ່າເພື່ອພາລະກິດດ້ານນີ້.
ທ່ານໂທມັສ ບາສ໌ ກ່າວວ່າ: ຄະນະກຳມະການໂອລິມປິສາກົນໄດ້ມອບ "ຂັນລາງວັນປະທານຄະນະກຳມະການໂອລິມປິກ" ໃຫ້ທ່ານຮຸນເຊັນ ກໍເພື່ອຊົມເຊີຍທີ່ທ່ານໄດ້ປະກອບສ່ວນອັນລ້ຳຄ່າເພື່ອພາລະກິດການກິລາຂອງປະເທດກຳປູເຈຍ.
ທ່ານຮຸນເຊັນ ກ່າວໃນພິທີມອບລາງວັນວ່າ: ນີ້ເປັນກຽດຂອງຕົນ, ພັນລະຍາຕົນ, ເຫຼົ່ານັກກິລາກຳປູເຈຍທັງໝົດ ລວມທັງຊາວກຳປູເຈຍທຸກຖ້ວນໜ້າ.