ຄະນະກຳມະການປະສານສົມທົບການລົງທຶນອິນໂດເນເຊຍປະກາດໃນວັນທີ 25 ມັງກອນນີ້ວ່າ, ປີ 2016 ຈີນໄດ້ລົງທຶນໂດຍກົງຢູ່ປະເທດຕົນ 2 ຕື້ 665 ລ້ານໂດລາ, ທຽບໃສ່ປີ 2015 ເພີ່ມຂຶ້ນ 324% ເປັນອັນດັບ 3 ຈາກ 121 ປະເທດແລະເຂດແຄວ້ນໃນໂລກ.
ທ່ານໂທມັສ ທຣິຄະຊິ ເລັມປົງ, ປະທານຄະນະກຳມະການປະສານສົມທົບການລົງທຶນອິນໂດເນເຊຍກ່າວໃນພິທີຖະແຫຼງຂ່າວທີ່ຈັດຂຶ້ນໃນມື້ດັ່ງກ່າວວ່າ, ການລົງທຶນຂອງຈີນຢູ່ອິນໂດເນເຊຍໄດ້ເພີ່ມຂຶ້ນຢ່າງຈະແຈ້ງໃນປີຜ່ານມາ, ແລະໄດ້ກາຍເປັນແຫຼ່ງທຶນຕ່າງປະເທດສຳຄັນຂອງປະເທດຕົນ, ພ້ອມທັງຫວັງວ່າຈີນຈະສືບຕໍ່ເພີ່ມການລົງທຶນຕື່ມອີກ.
ທ່ານໂທມັສ ກ່າວຕື່ມວ່າ, ຄະນະກຳມະການຂອງຕົນແລະພາກສ່ວນທີ່ກ່ຽວຂ້ອງຈະສືບຕໍ່ປັບປຸງສະພາບແວດລ້ອມການລົງທຶນໃຫ້ດີຂຶ້ນ, ເພື່ອດຶງດູດການລົງທຶນຈາກຈີນແລະເຂດອື່ນໆໃຫ້ຫຼາຍກວ່າເກົ່າ.