ວັນທີ 26 ມັງກອນນີ້, ສື່ມວນຊົນທ້ອງຖິ່ນລາຍງານວ່າ, ສົມເດັດຮຸນແຊນ, ນາຍົກລັດຖະ ມົນຕີລາຊະອານາຈັກກຳປູເຈຍໄດ້ຝາກຈົດໝາຍໄປຍັງທ່ານຟັ່ງສຽວເຊິ່ງ ປະທານສະມາຄົມຊາວຈີນກຳປູເຈຍໃນວັນທີ 23 ມັງກອນນີ້, ເພື່ອສະແດງຄວາມອວຍພອນປີໃໝ່ຈີນຕໍ່ອ້າຍເອື້ອຍນ້ອງຊາວຈີນທີ່ອາໄສຢູ່ທົ່ວປະເທດກຳປູເຈຍ.
ໃນຈົດໝາຍອວຍພອນ ທ່ານຮຸນແຊນກ່າວວ່າ, ອ້າຍເອື້ອຍນ້ອງຊາວຈີນທີ່ຮັກແພງ, ເນື່ອງໃນໂອກາດບຸນກຸດຈີນປີໄກ່ອັນເປັນມູນເຊື້ອວຽນມາຮອດນີ້, ຂ້າພະເຈົ້າໃນຖານະນາຍົກລັດຖະ ມົນຕີລາຊະອານາຈັກກຳປູເຈຍ, ຂໍຮ່ວມກັບອ້າຍເອື້ອຍນ້ອງຊາວຈີນທີ່ຮ່ວມທຸກຮ່ວມສຸກເປັນເວລາດົນນານກັບພວກເຮົາພ້ອມກັນສະຫຼອງບຸນປີໃໝ່ຈີນ.
ທ່ານຮຸນແຊນກ່າວວ່າ, ໂດຍສະເພາະແມ່ນ ຂ້າພະເຈົ້າຢາກສະແດງຄວາມຂອບອົກຂອບໃຈຕໍ່ສະພາປະຊາຊົນຈີນກຳປູເຈຍແລະອ້າຍເອື້ອຍນ້ອງຊາວຈີນຢູ່ກຳປູເຈຍທີ່ອອກແຮງຢ່າງໃຫຍ່ຫຼວງເຂົ້າຮ່ວມໃນການສ້າງສາປະເທດຊາດກຳປູເຈຍແລະໄດ້ຮັບຜົນງານອັນພົ້ນເດັ່ນ.
