ວັນທີ 26 ມັງກອນນີ້, ທ່ານເອັນຣິກ ເປເນຍ ເນຍໂຕ ປະທານາທິບໍດີແມັກຊິກກ່າວໃນ Twitter ຂອງຕົນວ່າ, ຕົນຈະບໍ່ເຂົ້າຮ່ວມການພົບປະກັນກັບທ່ານໂດນັນ ທຣຳ ປະທານາທິບໍດີອາເມລິກາທີ່ຈະຈັດຂຶ້ນຢູ່ນະຄອນຫຼວງວໍຊິງຕັນຂອງອາເມລິກາໃນວັນທີ 31 ມັງກອນນີ້. ແຕ່ທ່ານກ່າວຕື່ມວ່າ, ແມັກຊິກກ່າວຢ້ຳຄວາມປາດຖະໜາທີ່ຮ່ວມມືກັບອາເມລິກາ, ຫວັງວ່າສອງຝ່າຍຈະສາມາດບັນລຸສັນຍາທີ່ມີຜົນດີຕໍ່ສອງປະເທດ.
ກ່ອນໜ້ານີ້ທ່ານໂດນັນ ທຣຳເຄີຍກ່າວໃນ Twitter ຂອງຕົນວ່າ, ຖ້າວ່າແມັກຊິກບໍ່ຈ່າຍເງິນທີ່ສ້າງກຳແພງຊາຍແດນອາເມລິກາ-ແມັກຊິກ, ກໍຍົກເລີກການພົບປະກັນທີ່ຈະຈັດຂຶ້ນດີກວ່າ.
ວັນທີ 25 ມັງກອນນີ້, ທ່ານເປເນຍກ່າວປາໄສທາງວິດີໂອໃນ Twitter ຂອງຕົນ, ໂດຍປະນາມແຜນການສືບຕໍ່ສ້າງກຳແພງຊາຍແດນອາເມລິກາ-ແມັກຊິກຂອງທ່ານທຣຳ, ແລະຊີ້ນຳສະຖານທູດແລະສະຖານກົງສຸນແມັກຊິກປະຈຳອາເມລິກາຮັກສາສິດຜົນປະໂຫຍດຊອບດ້ວຍກົດໝາຍຂອງຊາວແມັກຊິກຢູ່ອາເມລິກາ.