ວັນທີ 26 ມັງກອນນີ້, ພົນເອກ ປະຍຸດ ຈັນໂອຊາ ນາຍົກລັດຖະມົນຕີໄທໄດ້ນຳພາເຈົ້າໜ້າທີ່ຂັ້ນສູງຂອງຫຼາຍພາກສ່ວນຂອງລັດຖະບານ ແລະ ຝ່າຍທະຫານສຳຫຼວດສະພາບໄພນ້ຳຖ້ວມຢູ່ພາກໃຕ້ຂອງໄທ, ຢື້ຢາມຖາມຂ່າວປະຊາຊົນທ້ອງຖິ່ນ ແລະ ໃຫ້ກຳລັງໃຈຕໍ່ຜູ້ປະສົບໄພພິບັດຢູ່ພາກໃຕ້ຂອງໄທ.
ນັບແຕ່ຕົ້ນເດືອນນີ້ເປັນຕົ້ນມາ, 127 ເມືອງ 12 ແຂວງພາກໃຕ້ຂອງໄທໄດ້ປະສົບໄພນ້ຳຖ້ວມຮ້າຍແຮງທີ່ສຸດໃນຮອບ 30 ປີມານີ້. ຕາມຕົວເລກສະຖິຕິ, ນັບມາຮອດວັນທີ 25 ມັງກອນນີ້, ໄດ້ມີຜູ້ປະສົບໄພ 1 ລ້ານ 8 ແສນຄົນ, ຢ່າງໜ້ອຍ 90 ຄົນເສຍຊີວິດ, 4 ຄົນຫາຍສາບສູນ. ປັດຈຸບັນ, ປະຊາຊົນພາກໃຕ້ຂອງໄທເກືອບ 3 ແສນ 7 ໝື່ນຄົນຍັງປະສົບໄພນ້ຳຖ້ວມຢູ່.
ກ່ອນໜ້ານີ້ 1 ມື້, ພົນເອກ ປະຍຸດ ຈັນໂອຊາໄດ້ຮຽກຈັດກອງປະຊຸມພິເສດ,ພ້ອມກັນຫາລືກັບພາກສ່ວນທີ່ກ່ຽວຂ້ອງຂອງລັດຖະບານເພື່ອແກ້ໄຂບັນຫານ້ຳຖ້ວມຢູ່ພາກໃຕ້, ຮຽກຮ້ອງໃຫ້ຟື້ນຟູຊີວິດການເປັນຢູ່ຂອງຜູ້ປະສົບໄພໃຫ້ເຂົ້າສູ່ປົກກະຕິ ແລະ ຈັດແຜນການປ້ອງກັນ ແລະ ແກ້ໄຂບັນຫາໄພນ້ຳຖ້ວມໄລຍະຍາວ.
