ວັນທີ 27 ມັງກອນນີ້ ກົງກັບມື້ສົ່ງທ້າຍປີເກົ່າຕາມຈັນທະຄະຕິຈີນ, ສະຖານທູດຈີນປະຈຳໄທ,ກະຊວງທ່ອງທ່ຽວແລະກິລາໄທ, ອົງການທ່ອງທ່ຽວແຫ່ງຊາດໄທໄດ້ຮ່ວມກັນເປັນເຈົ້າພາບຈັດພິທີເປີດກິດຈະກຳ "ບຸນກຸດຈີນທີ່ມ່ວນຊື່ນ"ຄັ້ງທີ 13 ຢູ່ສວນສາທາລະນະລຸມພິນີນະຄອນຫຼວງບາງກອກໂດຍທ່ານທະນະສັກປາຕິມາປຣະກອນ ຮອງນາຍົກລັດຖະມົນຕີໄທແລະທ່ານນິ້ງຟູ້ຂຸຍ ເອກອັກຄະລັດຖະທູດຈີນປະຈຳໄທເຂົ້າຮ່ວມ ແລະໂອກາດກ່າວປາໄສໃນພິທີດັ່ງກ່າວ, ທ່ານທະນະສັກ ປາຕິມາປຣະກອນ ຮອງນາຍົກລັດຖະມົນຕີໄທໄດ້ສະແດງຄວາມຂອບໃຈຕໍ່ລັດຖະບານຈີນທີ່ໄດ້ໃຫ້ການສະໜັບສະໜູນຢ່າງແຂງແຮງຕໍ່ການຈັດກິດຈະກຳເທື່ອນີ້ທັງສົ່ງຄວາມອວຍພອນປີໃໝ່ກຸດຈີນເຖິງປະຊາຊົນຈີນ.
ໂອກາດກ່າວປາໄສ, ທ່ານນິ້ງຟູ້ຂຸຍ ເອກອັກລັດຖະທູດຈີນປະຈຳໄທໄດ້ອວຍພອນປີໃໝ່ດ້ວຍຄວາມຈິງໃຈແດ່ແຂກຜູ້ມີກຽດທີ່ເຂົ້າຮ່ວມພິທີແລະປະຊາຊົນໄທທົ່ວທັງຊາດທັງຫວັງໃຫ້ທຸກທ່ານທີ່ມາຮ່ວມງານມີທັງໂຊກປາກແລະຕື່ນຕາຕື່ນໃຈຈາກກິດຈະກຳເທື່ອນີ້.
ຫຼັງພິທີເປີດກິດຈະກຳ "ບຸນກຸດຈີນທີ່ມ່ວນຊື່ນ"ແລ້ວ, ໃນຄືນວັນທີ 27 ມັງກອນນີ້ຍັງໄດ້ຈັດງານລ້ຽງອາຫານຄ່ຳ "ສົ່ງທ້າຍປີເກົ່າ"ຢູ່ນະຄອນຫຼວງບາງກອກໂດຍສືມືຍອດຢ້ຽມໃນການແຕ່ງອາຫານຂອງພໍ່ຄົວທີ່ມີຊື່ສຽງຂອງຈີນໂດຍໄດ້ຮັບການຍົກໂປ້ຍ້ອງຍໍຈາກບັນດາແຂກຜູ້ມີກຽດທີ່ຮ່ວມງານທຸກທົ່ວໜ້າ.