ວັນທີ 27 ມັງກອນນີ້, ທ່ານເຊີແກ ລັບລົຟ, ລັດຖະມົນຕີກະຊວງການຕ່າງປະເທດຣັດເຊຍກ່າວວ່າ, ມີຂ່າວແຈ້ງວ່າການເຈລະຈາທີ່ຈະຈັດຂຶ້ນຢູ່ເຊີແນວໃນວັນທີ 8 ກຸມພາເດືອນໜ້ານີ້ຈະເລື່ອນເວລາໄປຮອດທ້າຍເດືອນ, ຣັດເຊຍຫວັງວ່າການເຈລະຈາດັ່ງກ່າວກ່ຽວກັບບັນຫາຊີຣີຈະບໍ່ ເລື່ອນເວລາອີກ, ຮຽກຮ້ອງໃຫ້ຝ່າຍຕ່າງໆຂອງຊີຣີສຸມໃສ່ການແກ້ໄຂບັນຫາຕົວຈິງໂດຍຜ່ານການຮ່າງລັດຖະທຳມະນູນຊີຣີສະບັບໃໝ່.
ທ່ານລັບລົຟກ່າວວ່າ, ເຖິງວ່າການເຈລະຈາອັສທະນາໄດ້ສ້າງພື້ນຖານໃຫ້ແກ່ການເຈລະຈາທີ່ຈະຈັດຂຶ້ນຢູ່ເຊີແນວ, ແຕ່ວ່າອົງການຈັດຕັ້ງສາກົນທີ່ຮັບຜິດຊອບຈັດວາງການເຈລະຈາເຊີແນວມີທ່າທີຫຍໍ້ທໍ້ມາໂດຍຕະຫຼອດ, ນັບແຕ່ເດືອນເມສາປີຜ່ານມາມານີ້ບໍ່ໄດ້ຈັດການເຈລະຈາກ່ຽວກັບບັນຫາຊີຣີອີກເລີຍ, ການກະທຳດັ່ງກ່າວເຮັດໃຫ້ບັນດາຝ່າຍຍອມຮັບບໍ່ໄດ້.