ບົດລາຍງານ "ຕົວເລກໃຫຍ່ຜູ້ທ່ຽວຕ່າງປະເທດຂອງຈີນປີ 2016" ສະແດງໃຫ້ເຫັນວ່າ, ຊາວຈີນທ່ຽວຕ່າງປະເທດໃນປີ 2016 ມີເຖິງ 122 ລ້ານເທື່ອຄົນ
, ເກືອບເທົ່າກັບປະຊາກອນທັງໝົດຂອງຍີ່ປຸ່ນ. ບົດລາຍງານເຫັນວ່າ, ລາຍໄດ້ເພິ່ມຂຶ້ນ, ການບໍລິໂພກທ່ອງທ່ຽວໄດ້ຍົກລະດັບ, ການເຮັດວິຊາສະດວກ, ຖ້ຽວບິນເພິ່ມຫຼາຍຂຶ້ນ ກໍ່ກາຍເປັນສາເຫດທີ່ຊຸກຍູ້ໃຫ້ຊາວຈີນໄປທ່ຽວຕ່າງປະເທດຫຼາຍຂຶ້ນ.
ຊາວຈີນທ່ຽວຕ່າງປະເທດໄດ້ເພິ່ມຂຶ້ນຢ່າງວ່ອງໄວນັບແຕ່ປີ 2000 ເປັນຕົ້ນມາ, ຕົວເລກສະຖິຕິສະແດງໃຫ້ເຫັນວ່າ, ໃນປີ 2016, ຊາວຈີນທ່ຽວຕ່າງປະເທດໄດ້ສ້າງລາຍຈ່າຍ 109 ຕື້ 800 ລ້ານໂດລາ, ລາຍຈ່າຍສະເລ່ຍຕໍ່ຫົວຄົນແມ່ນ 900 ໂດລາ.ເຖິງວ່າຈຳນວນຜູ້ທ່ຽວຕ່າງປະເທດພຽງແຕ່ກວມຍອດຈຳນວນນັກທ່ອງທ່ຽວ 3% ເທົ່ານັ້ນ, ແຕ່ລາຍຈ່າຍທ່ຽວຕ່າງປະເທດກວມ 16% ຂອງລາຍຈ່າຍການທ່ອງທ່ຽວຂອງຈີນ.
ກົມທ່ອງທ່ຽວແຫ່ງຊາດຈີນເບິ່ງໃນແງ່ດີຕໍ່ການພັດທະນາເສດຖະກິດການທ່ອງທ່ຽວປີ 2017 ໂດຍເຫັນວ່າ, ໃນໄຕມາດທີ 1, ຄວາມປາຖະໜາທ່ອງທ່ຽວຂອງຊາວຈີນແມ່ນ 82%, ຮັກສາໃນລະດັບສູງ.