ຜົນການຢັ່ງປະຊາມະຕິຟີລິບປີນຫຼ້າສຸດສະບັບໜຶ່ງສະແດງໃຫ້ເຫັນວ່າ, ປະຊາຊົນຟີລິບປີນສະໜັບສະໜູນລັດຖະບານລົງເລິກການພົວພັນສອງຝ່າຍລະຫວ່າງປະເທດຕົນກັບຈີນແລະຣັດເຊຍ. ທຳນຽບປະທານາທິບໍດີຟີລິບປີນສະແດງຄວາມຊົມເຊີຍຕໍ່ຜົນການຢັ່ງປະຊາມະຕິດັ່ງກ່າວໃນວັນທີ 28 ມັງກອນນີ້.
"Pulse Asia" ເຊິ່ງເປັນອົງການສຳຫຼວດເອກະຊົນຟີລິບປີນປະກາດຜົນການຢັ່ງາປະຊາມະຕິສະບັບໜຶ່ງໃນຫວ່າງກ່ອນນີ້ບໍ່ດົນສະແດງໃຫ້ເຫັນວ່າ, ມີປະຊາຊົນຟີລິບປີນ 47% ສະໜັບສະໜູນລັດຖະບານເພີ່ມທະວີການຮ່ວມມືດ້ານຄວາມໝັ້ນຄົງແລະວຽກງານປ້ອງກັນປະເທດກັບຈີນແລະຣັດເຊຍ, ມີພຽງ 18% ທີ່ບໍ່ສະໜັບສະໜູນ. ທ່ານອາເບລາ ໂຄສົກທຳນຽບປະທານາທິບໍດີຟີລິບປີນກ່າວໃນວັນທີ 28 ມັງກອນນີ້ວ່າ, ຜົນການຢັ່ງປະຊາມະຕິດັ່ງກ່າວສະແດງໃຫ້ເຫັນວ່າປະຊາຊົນຂອງປະເທດຕົນໄດ້ມີຄວາມເຂົ້າໃຈເລິກເຊິ່ງກວ່າເກົ່າຕໍ່ສັງຄົມແລະການເມືອງໃນປັດຈຸບັນ, ທ່ານອາເບລາກ່າວວ່າ"ພວກເຮົາດີໃຈທີ່ສຸດທີ່ໄດ້ເຫັນວ່າສາຍຕາຂອງປະຊາຊົນຟີລິບປີນນັບມື້ນັບກວ້າງໄກກວ່າເກົ່າ."
ທ່ານອາເບລາກ່າວຕື່ມວ່າ, ທ່ານໂຣເຕີລິເກີ ຕູເຕີເຕ ປະທານາທິບໍດີຟີລິບປີນລິເລີ່ມສ້າງສາຍພົວພັນມິດຕະພາບກັບປະເທດໃຫຍ່ໃນໂລກ.