ໃນວັນທີ 2 ຂອງມື້ພັກບຸນກຸດຈີນ, ການທ່ອງທ່ຽວວັນພັກກໍ່ເຕັມໄປດ້ວຍບັນຍາກາດຟົດຟື້ນ. ຕະຫຼາດການທ່ອງທ່ຽວໃນຍາມພັກແຫ່ງຕ່າງໆຂອງຈີນເກີດມີທ່ວງທ່າເພິ່ມຂຶ້ນ, ຄ່ອຍໆເຂົ້າສູ່ກະແສການທ່ອງທ່ຽວທີ່ສູງຂຶ້ນ. ຕົວເລກສະຖິຕິກົມການທ່ອງທ່ຽວແຫ່ງຊາດຈີນສະແດງໃຫ້ເຫັນວ່າ, ໃນວັນທີ 28 ມັງກອນນີ້ ຄື,ມື້ຂຶ້ນປີໃໝ່ຈີນ,ນັກທ່ອງທ່ຽວທົ່ວປະເທດຈີນລວມມີ 65 ລ້ານ 2 ແສນເທື່ອຄົນ, ເພິ່ມຂຶ້ນ 14,7% ເມື່ອທຽບກັບໄລຍະດຽວກັນປີ 2016, ລາຍຮັບການທ່ອງທ່ຽວ 76 ຕື້ຢວນ, ເພິ່ມຂຶ້ນ 14,5% ເມື່ອທຽບກັບໄລຍະດຽວກັນປີ 2016.
ສ່ວນຈຳນວນຜູ້ໂດຍສານດ້ວຍທາງລົດໄຟ ແລະ ທາງຫຼວງຫຼຸດລົງໃນວັນທີ 28 ມັງກອນນີ້, ການເດີນທາງສະດວກຫຼາຍກວ່າເກົ່າ.
ໃນມື້ຂຶ້ນປີໃໝ່, ຕົວເມືອງທ່ອງທ່ຽວ ແລະ ແຫຼ່ງທ່ອງທ່ຽວຕ່າງໆຂອງຈີນໄດ້ກຽມພ້ອມ, ມີກິດຈະກຳອັນອຸດົມສົມບູນຫຼາຍ, ລະບຽບການທ່ອງທ່ຽວກໍ່ຈັດສັນເປັນຢ່າງດີ.