ການໄປທ່ອງທ່ຽວໃນໄລຍະພັກບຸນກຸດຈີນ ໄດ້ກາຍເປັນໜຶ່ງໃນຮູບການຜ່ານມື້ບຸນທີ່ສຳຄັນຂອງຊາວຈີນ ໂດຍອົງການທ່ອງທ່ຽວແຫ່ງຊາດຈີນ ໄດ້ເຜີຍແຜ່ຕົວເລກຫຼ້າສຸດ ເຊິ່ງສະແດງໃຫ້ເຫັນວ່າ ໃນ 3 ມື້ທຳອິດຂອງໄລຍະພັກບຸນກຸດຈີນ, ການຕ້ອນຮັບນັກທ່ອງທ່ຽວໃນທົ່ວປະເທດໄດ້ບັນລຸ 195 ລ້ານເທື່ອຄົນ, ຂະນະທີ່ການໄປທ່ຽວຕ່າງປະເທດກໍໄດ້ຮັບຄວາມນິຍົມເຊັ່ນດຽວກັນ ເຊິ່ງຈຳນວນນັກທ່ອງທ່ຽວເປັນໝູ່ຄະນະໄປທ່ຽວຕ່າງປະເທດໄດ້ເພີ່ມຂຶ້ນ 10,7% ເມື່ອທຽບໃສ່ໄລຍະດຽວກັນຂອງບຸນກຸດຈີນປີຜ່ານມາ. ທາງການຄາດວ່າ ການໄປທ່ຽວຕ່າງປະເທດຈະກາຍ 6 ລ້ານເທື່ອຄົນ.
ນອກນີ້, ອົງການທ່ອງທ່ຽວແຫ່ງຊາດຈີນ ຍັງປະກາດວ່າ, ການທ່ອງທ່ຽວໃນໄລຍະພັກບຸນກຸດຈີນ 2017 ຈະມີຈຸດພິເສດ ຄື ປະຊາຊົນນິຍົມການໄປທ່ອງທ່ຽວ, ມີຜະລິດຕະພັນຕອບສະໜອງທີ່ອຸດົມສົມບູນ ແລະ ການໄປທ່ອງທ່ຽວໄດ້ກາຍເປັນກະແສນິຍົມເປັນກ້າວໆ ແລະ ຄາດວ່າ ໃນໄລຍະພັກເປັນເວລາ 7 ວັນນີ້, ນັກທ່ອງທ່ຽວທີ່ທ່ຽວຢູ່ພາຍໃນປະເທດຈະບັນລຸ 343 ລ້ານເທື່ອຄົນ ເພີ່ມຂຶ້ນ 13,6% ເມື່ອທຽບໃສ່ໄລຍະພັກບຸນກຸດຈີນປີຜ່ານມາ.