ຫວ່າງມໍ່ໆນີ້ ສະຖາບັນວິທະຍາສາດສັງຄົມແຂວງສານສີ່ຈີນໄດ້ເຜີຍແຜ່ "ປຶ້ມປົກສີຟ້າກ່ຽວກັບເສັ້ນທາງສາຍໄໝ" ເຊິ່ງສະແດງໃຫ້ເຫັນວ່າ, ເວທີແລກປ່ຽນວັດທະນະທຳຂອງຈີນທີ່ຖືເສັ້ນທາງສາຍໄໝເປັນຫຼັກນັ້ນເລີ່ມສົມບູນຂຶ້ນ, ກົນໄກແລກປ່ຽນວັດທະ ນະທຳກັບຕ່າງປະເທດກໍເປັນປົກກະຕິເຊັ່ນກັນ.
ປັດຈຸບັນ ຢູ່ແຂວງສານສີ່, ແຂວງກັ່ນຊູ່ແລະແຂວງອື່ນໆໄດ້ຈັດກິດຈະກຳວັດທະນະທຳກ່ຽວກັບເສັ້ນທາງສາຍໄໝຫຼາຍເທື່ອມາແລ້ວ, ເຊັ່ນ ງານເອັກສໂປສາກົນເສັ້ນທາງສາຍໄໝ, ບຸນທ່ອງທ່ຽວສາກົນເສັ້ນທາງສາຍໄໝ, ງານສິລະປະສາກົນເສັ້ນທາງສາຍໄໝ, ງານວາງສະແດງສິນຄ້າວັດທະນະທຳສາກົນເສັ້ນທາງສາຍໄໝ ແລະອື່ນໆ. ງານບຸນເຫຼົ່ານີ້ໄດ້ເຈາະຈົງສະແດງໃຫ້ເຫັນຜະລິດຕະພັນທ່ອງທ່ຽວແລະໝາກຜົນວັດທະນະທຳທີ່ເປັນເອກະລັກຂອງບັນດາປະເທດລຽບເສັ້ນທາງສາຍໄໝ, ເປັນແທ່ນສຳຄັນໃນການຊຸກຍູ້ການແລກປ່ຽນວັດທະນະທຳສາກົນ.
ຂະນະດຽວກັນ, ຈີນໄດ້ສ້າງສູນວັດທະນະທຳຈີນຫຼາຍແຫ່ງໃນບັນດາປະເທດລຽບເສັ້ນທາງສາຍໄໝ, ຈັດງານບັນຍາຍ ແນະນຳປຶ້ມ ແລະກິດຈະກຳອື່ນໆເພື່ອສະແດງໃຫ້ເຫັນວັດທະນະທຳແລະສິລະປະຂອງຈີນ.