ອົງການສະຫະປະຊາຊາດກ່າວປະນາມເຫດການຍິງກັນທີ່ເກີດຂຶ້ນຢູ່ສຸເຫຼົ່າຄຸຍເບັກຂອງການາດາ

ວັນທີ 30 ມັງກອນນີ້, ອົງການສະຫະປະຊາຊາດໄດ້ກ່າວປະນາມຕໍ່ເຫດການຍິງກັນທີ່ເກີດຂຶ້ນຢູ່ສຸເຫຼົ່າຄຸຍເບັກຂອງການາດາໃນຫວ່າງກ່ອນນີ້ບໍ່ດົນ.

ທ່ານສະເຕເຟັນ ດຸຈາຣິກ, ໂຄສົກເລຂາທິການໃຫຍ່ອົງການສະຫະປະຊາຊາດກ່າວໃນງານຖະແຫຼງຂ່າວທີ່ຈັດຂຶ້ນໃນວັນທີ 30 ມັງກອນນີ້ວ່າ, ອົງການສະຫະປະຊາຊາດໄດ້ຕິດຕາມສະພາບການສືບສວນຕໍ່ເຫດການຍິງກັນທີ່ເຮັດໃຫ້ຜູ້ຄົນແຕກຕື່ນທີ່ເກີດຂຶ້ນຢູ່ສຸເຫຼົ່າຄຸຍເບັກ. "ພວກເຮົາກ່າວປະນາມການໂຈມຕີກໍ່ການຮ້າຍທີ່ແນໃສ່ສະຖານທີ່ທາງສາສະໜາ".

ທ່ານ ດຸຈາຣິກກ່າວຕື່ມວ່າ, ເຊື່ອວ່າລັດຖະບານແລະປະຊາຊົນການາດາທີ່ມີການສະແດງດີເດັ່ນໃນດ້ານວັດທະນະທຳທີ່ຫຼາກຫຼາຍແລະມີຈິດໃຈກວມລວມສາມາດຢູ່ຮ່ວມກັນດ້ວຍຄວາມສາມັກຄີ, ແລະປາສະຈາກຄວາມຂັດແຍ້ງກັນທຸກປະການທີ່ເກີດຂຶ້ນຍ້ອນສາສະໜາ.

ຂ່າວແຈ້ງວ່າ, ເຫດການໂຈມຕີທີ່ເກີດຂຶ້ນຢູ່ສຸເຫຼົ່າແຂວງຄຸຍເບັກຂອງການາດາໃນຕອນຄ່ຳວັນທີ 29 ມັງກອນນີ້ໄດ້ເຮັດໃຫ້ 6 ຄົນເສຍຊີວິດ.