ວັນທີ 30 ມັງກອນນີ້, ຄະນະກຳມະການການຄ້າສາກົນອາເມລິກາໄດ້ລົງມະຕິເທື່ອສຸດທ້າຍ, ໂດຍຕົກລົງຈະເກັບພາສີຂາຍເລຕໍ່ຈັກຊັກເຄື່ອງຂະໜາດໃຫຍ່ທີ່ນຳເຂົ້າຈາກຈີນ.
ອີງຕາມຜົນການຕັດສິນສຸດທ້າຍຂອງກະຊວງການຄ້າອາເມລິກາໃນເດືອນທັນວາປີຜ່ານມາ, ອາເມລິກາຈະເກັບພາສີຕ້ານການຂາຍເລຕະຫຼາດ 32,12% ຫາ 52,51% ຕໍ່ນັກທຸລະກິດຈີນ.
ສຳລັບຄວາມຂັດແຍ້ງກັນດ້ານການຄ້າລະຫວ່າງຈີນກັບອາເມລິກາ, ກະຊວງການຄ້າຈີນໄດ້ສະແດງທ່າທີຫຼາຍເທື່ອແລ້ວວ່າ, ຫວັງໃຫ້ລັດຖະບານອາເມລິກາປະຕິບັດຕາມຄຳໝັ້ນສັນຍາທີ່ຄັດຄ້ານລັດທິປົກປ້ອງການຄ້າຢ່າງເຄັ່ງຄັດ, ຮ່ວມກັນຮັກສາສະພາບແວດລ້ອມການຄ້າສາກົນທີ່ເສລີພາບ, ເປີດປະຕູແລະທ່ຽງທຳ, ແກ້ໄຂຄວາມຂັດແຍ້ງກັນດ້ານການຄ້າຢ່າງເໝາະສົມດ້ວຍວິທີສົມເຫດສົມຜົນກວ່າເກົ່າ.