ວັນທີ 31 ມັງກອນຜ່ານມາ, ອົງການປະຕິບັດກົດໝາຍດ້ານທະເລຂອງມາເລເຊຍກ່າວວ່າ, ວຽກງານກູ້ໄພເຮືອທ່ອງທ່ຽວຫຼົ້ມຢູ່ເຂດທະເລໃກ້ເກາະເມັນກາລົມຂອງມາເລເຊຍນັ້ນຍັງດຳເນີນຕໍ່ໄປຢູ່, ຍັງບໍ່ທັນພົບຜູ້ຫາຍສາບສູນອື່ນໆ.
ອົງການດັ່ງກ່າວນີ້ກ່າວວ່າ, ມື້ດຽວກັນໄດ້ເປີດກວ້າງເຂດກູ້ໄພອອກໄປຮອດ 3000 ໄມທະເລຕາເມັດ, ອົງການປະຕິບັດກົດໝາຍດ້ານທະເລ, ກອງທັບເຮືອ ກອງທັບອາກາດ ຕຳຫຼວດຂອງມາເລເຊຍ ພ້ອມກັບຝ່າຍບຼູໄນໄດ້ສົ່ງກຳປັ່ນແລະຍົນປະມານ 20 ລຳໄປກູ້ໄພ. ວຽກງານກູ້ໄພໄດ້ເຂົ້າສູ່ຂັ້ນຕອນສຸດທ້າຍ, ຈະເພີ່ມກຳລັງແຮງໃນການກູ້ໄພ.
ມື້ດຽວກັນ ຜູ້ຮັບຜິດຊອບຝ່າຍຕຳຫຼວດລັດຊາບາກ່າວວ່າ, ຕາມຜົນການສຳຫຼວດຫຼ້າສຸດ, ຍັງມີ 6 ຄົນຫາຍສາບສູນ, ເຊິ່ງລວມທັງນັກທ່ອງທ່ຽວຈີນ 5 ຄົນແລະລູກເຮືອຄົນໜຶ່ງ.