ວັນທີ 31 ມັງກອນແລ້ວນີ້, ໃນງານຖະແຫຼງຂ່າວ ທ່ານສເຕເຟີນ ດູຢາຣິກ, ໂຄສົກເລຂາທິການໃຫຍ່ອົງການສະຫະປະຊາຊາດກ່າວວ່າ, ສະຫະປະຊາຊາດຫວັງໃຫ້ອາເມລິກາສາມາດຍົກເລີກລັດຖະດຳລັດຈຳກັດຊາວອົບພະຍົບໂດຍໄວເທົ່າທີ່ຈະໄວໄດ້.
ໃນເວລາຕອບຄຳຖາມຂອງນັກຂ່າວກ່ຽວກັບລັດຖະດຳລັດຈຳກັດຊາວອົບພະຍົບຂອງອາເມລິກາ, ທ່ານດູຢາຣິກກ່າວວ່າ, ພວກເຮົາຫວັງວ່າລັດຖະດຳລັດຈຳກັດຊາວອົບພະຍົບຈະຖືກຍົກເລີກໂດຍໄວເທົ່າທີ່ຈະໄວໄດ້.|
ໃນງານຖະແຫຼງຂ່າວ ທ່ານດູຢາຣິກຍັງໄດ້ອ່ານຖະແຫຼງການຂອງທ່ານອັນໂຕນິໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດທີ່ປະກາດໃນມື້ດຽວກັນ. ຖະແຫຼງການກ່າວວ່າ, ມີປະເທດທີ່ນັບມື້ນັບຫຼາຍຂຶ້ນໄດ້ປິດຊາຍແດນຕໍ່ຊາວອົບພະຍົບຜູ້ລີ້ໄພສົງຄາມ, ການປົກປ້ອງພວກເຂົາເຈົ້າກໍນັບມື້ນັບຖືກຈຳກັດ.
ທ່ານກູເຕເຣັສກ່າວວ່າ, ບັນດາປະເທດມີສິດ ກໍມີພັນທະຄຸ້ມຄອງເຂດຊາຍແດນເພື່ອຫຼີກເວັ້ນບໍ່ໃຫ້ລັດທິກໍ່ການຮ້າຍເຂົ້າເມືອງ, ແຕ່ບໍ່ຄວນຈຳແນກສາສະໜາ ຊົນເຜົ່າ ຫຼືສັນຊາດ.
