ວັນທີ 31 ມັງກອນແລ້ວນີ້, ທ່ານເນີຊີວຕານ ນາຊາບາເຢັຟ ປະທານາທິບໍດີກາຊັກສະຖານໂດຍຜ່ານເວັບໄຊທຳນຽບປະທານາທິບໍດີເຜີຍແຜ່ບົດລາຍງານສະພາບການຂອງລັດ, ນຳສະເໜີໜ້າທີ່ບູລິມະສິດ 5 ຂໍ້ເພື່ອຊຸກຍູ້ປະເທດຊາດຫັນເປັນທັນສະໄໝ, ແລະກ່າວເນັ້ນເຖິງຄວາມສຳຄັນທີ່ຈັດຕັ້ງປະຕິບັດການຮ່ວມມືດ້ານຄວາມສາມາດການຜະລິດລະຫວ່າງກາຊັກສະຖານກັບຈີນ.
ທ່ານນາຊາບາເຢັຟກ່າວວ່າ, ກາຊັກສະຖານຕ້ອງຈັດຕັ້ງປະຕິບັດໂຄງການຮ່ວມມືດ້ານຄວາມສາມາດການຜະລິດກັບຈີນຢ່າງບັງເກີດຜົນ. ກາຊັກສະຖານ ກັບ ຈີນໄດ້ເຊັນສັນຍາກ່ຽວກັບການຮ່ວມມືດ້ານຄວາມສາມາດການຜະລິດ ແລະ ຕົກລົງໂຄງການຮ່ວມມື, ປັດຈຸບັນ, ຕ້ອງຄ່ອຍໆຈັດຕັ້ງປະຕິບັດໂຄງການເຫຼົ່ານີ້, ໂຄງການຮ່ວມມືເຫຼົ່ານີ້ຈະເຮັດໃຫ້ຊາວກາຊັກສະຖານມີຈຳນວນເພິ່ມຂຶ້ນຢ່າງຫຼວງຫຼາຍໃນການປະກອບອາຊີບ.
ທ່ານນາຊາບາເຢັຟຍັງຊີ້ໃຫ້ເຫັນຄວາມສຳຄັນໃນການບັນລຸຜົນປະໂຫຍດດ້ານເສດຖະກິດແຫ່ງລັດໂດຍຜ່ານການດຳເນີນການຮ່ວມມືສາກົນ. ທ່ານເຫັນວ່າ, ກາຊັກສະຖານຕ້ອງການເຊື່ອມຕໍ່ກັບຂໍ້ລິເລິ່ມແລວເສດຖະກິດເສັ້ນທາງສາຍໄໝແລະການຮ່ວມມືສາກົນໃນຂອບສະຫະພັນເສດຖະກິດເອີລົບ-ອາຊີ ແລະ ອົງການຮ່ວມມືຊຽງໄຮ ເພື່ອບັນລຸຜົນປະໂຫຍດດ້ານເສດຖະກິດແຫ່ງຊາດ.