ວັນທີ 31 ມັງກອນແລ້ວນີ້, ລັດຖະບານສ.ເກົາຫຼີກ່າວວ່າ, ສ.ເກົາຫຼີຈະບໍ່ອົດກັ້ນລັດຖະບານຍີ່ປຸ່ນທີ່ນຳເອົາເນື້ອໃນກ່ຽວກັບານອ້າງກຳມະສິດຕໍ່ອະທິປະໄຕ "ເກາະດົກໂດ" (ຍີ່ປຸ່ນເອີ້ນວ່າ "ເກາະທາເຄຊີມາ") ຈັດເຂົ້າໃນຄູ່ມືການຮຽບຮຽງປື້ມແບບຮຽນ ແລະ ຮຽກຮ້ອງໃຫ້ຍີ່ປຸ່ນຢຸດເຊົາແຜນການທີ່ອ້າງກຳມະສິດຕໍ່ອະທິປະໄຕ "ເກາະດົກໂດ" ທີ່ບໍ່ຍຸດຕິທຳດັ່ງກ່າວໃນທັນທີ.
ຫວ່າງມໍ່ໆນີ້, "ໜັງສືພິມໂຢມີອູລີຊິມບູນ" ແຫ່ງຍີ່ປຸ່ນເຜີຍໃຫ້ຮູ້ວ່າ, ກະຊວງການສຶກສາວັດທະນະທຳກິລາວິທະຍາສາດແລະເຕັກໂນໂລຊີຍີ່ປຸ່ນ ຫຼື MEXT ມີແຜນກ່າວເນັ້ນຢ່າງຈະແຈ້ງວ່າ "ເກາະທາເຄຊີມາ" ແມ່ນຜືນແຜ່ນດິນຍີ່ປຸ່ນໃນຄູ່ມືການຮຽບຮຽງປື້ມແບບຮຽນຊັ້ນປະຖົມສະບັບໃໝ່.
ໃນການຖະແຫຼງຂ່າວ, ທ່ານໂຈຈູນຮຸກ ໂຄສົກກະຊວງການຕ່າງປະເທດສ.ເກົາຫຼີກ່າວວ່າ, ລັດຖະບານສ.ເກົາຫຼີຈະຕິດຕາມການກະທຳຂອງຍີ່ປຸ່ນຢ່າງໃກ້ຊິດ, ຖ້າວ່າການລາຍງານຂ່າວຂອງຍີ່ປຸ່ນແມ່ນຄວາມຈິງ, ຫຼັກໝັ້ນຂອງສ.ເກົາຫຼີແມ່ນ"ຈະບໍ່ອົດກັ້ນ" ຍີ່ປຸ່ນທີ່"ອ້າງກຳມະສິດຕໍ່ອະທິປະໄຕຜືນແຜ່ນດິນສ.ເກົາຫຼີໂດຍບໍ່ຍຸດຕິທຳ". ທ່ານຮຽກຮ້ອງໃຫ້ຍີ່ປຸ່ນຢຸດເຊົາແຜນການທີ່ກ່ຽວຂ້ອງໃນທັນທີ.